Ungdata-iskkadeamit sisttisdollet máŋggalágan fáddásurggiid. Sii geat vástidit iskkadeami ožžot jearaldagaid váhnemiid, olbmáid, skuvlla, lagasbirrasa, astoáiggedoaimmaid, dearvvašvuođa ja loaktima birra. Nuoraidskuvllas ja joatkkaskuvllas leat maiddái gažaldagat gárrenmirkogeavaheamis, seksualitehtas, riskaláhttenvuogis ja veahkaválddálašvuođas. Ungdata gažaldagat gokčet mánáid ja nuoraid ollislaš eallima.

2010 rájes leat 915 000 nuora measta buot Norgga suohkaniin oassálastán Ungdata nuoraidiskkadeapmái, ja 2017 rájes leat badjel 150 000 gaskadási (5.-7. dássi) máná vástidan Ungdata junior-iskkadeami. Nu Ungdata addá buori gova das makkár lea leat nuorra Norggas odne.

Čálgodutkaninstituhtta NOVA OsloMet - stuoragávpotuniversitehtas lea ovddasvástádus Ungdata-iskkademiid čađaheamis ovttas riikka čieža regionála  gealboguovddážiin gárrenmirkosuorggis (KORUS).

Bohtosat Ungdata-iskkadeamis Guovdageainnu suohkanis 2021 - Nuoraiddássi (Fuomáš: dušše dárogillii) (PDF, 8 MB)

Ungdata junior 2024 - Guovdageainnu suohkan - Bohtosat - Gaskadássi 5. - 7. dássi (Fuomáš: dušše dárogillii) (PDF, 847 kB)