Teáhterkursa plakahtta Nuoraidkoordináhtor

Teáhterkuršas beassá oahpásnuvvat teáhter doaimmaide ja neaktimii mas teáhterstoahkan lea  guovddážis, čállin ja improviseren. Kulturskuvlla oahppit besset oadjebas ja fátmmasteaddji birrasis hástit iežaset, ovttasbargat joavkkus ja ovdánahttit neaktin gelbbolašvuođa mii nanne sihke iešdovddu ja gulahallama lávdde álde - muhto maid muđuid eallimis. 

Goas: Gaskavahkuid dii. 17:00–19:00.  
Áigodat: Cuoŋománu 23.b – geassemánu 4.b
Kursamáksu: 100 ruvnno per oasseváldi. 
Oahpahangiella: Sámegiella 
Gos: Beaivvážis (Čoarvemáddagis) 
Dieđiheapmi: https://www.guovdageainnu.suohkan.no/balvalusat/kultuvra-giella-ja-nuoraidfalaldat-spillenruhta/kulturskuvla/diediheapmi-kulturskuvlii/
OBS: Dieđihanáigemearri lea 16.4.2025. 

Kuršas lea sadji 12 oassálastii. 

Kuršadoallit leat: 
Marte Fjellheim Sarre guhte lea neavttár, koreográfa, dánsár ja pedagoga Kárášjogas eret. Son lea Stavanger Universitehtas gazzan alit oahpu adjunktan ja dánsárin, ja sus leat leamaš máŋga rolla koreográfan, pedagogan, dánsárin ja neavttárin olu iešguđetge buvttademiin. 

Egil Keskitalo lea neavttár, musihkkár ja šuokŋadahkki ja lea leamaš Beaivvážis 1992 rájes. Son lea guhká leamaš oassi Guovdageainnu musihkkabirrasis ja lea doaimmahan sihke koara ja orkeastarit.  

Rawdna Carita Eira lea dramatihkkár, dikta-, lávlla- ja teáhterčálli geas lea guhkes hárjáneapmi dáiddalaš bargguin ja sámi kulturbargguin. Son lea olu stuora buvttademiin leamaš mielde ja ovttasbargan  máŋggain artistain nugo Mari Boiniin, Frode Fjellheimain, Roger Ludvigsenin, Inger Johanne Oskalin ja Hekla Stålstrengain. 


Buresboahtin somás ja gelddolaš teáhtermátkkái!