Guovdageainnu nuorat sáhttet ohccát searvat Flyt-prográmmii, ja sii geat besset searvat ožžot olles jagi vásáhusaiguin ja ovttastallamiin.  

Flyt álggahuvvo somás aktivitehtabeivviiguin čakčamánu 16. ja 17. beaivvi, ja das rájes lea čoagganeapmi okte vahkkus 10 vahkku, ja de fas mánnosaš čoagganeamit dassái go nuorat álget joatkkaskuvlii. 

Prográmma čađahuvvo báikkálaččat Guovdageainnus, ja aktivitehtavahkkoloahpat fas Álttás. Leat joavkojođiheaddjit Guovdageainnus geat jođihit prográmma báikkálaččat. 

Deaivvadanbáiki lea juohke háve Báktehárjji kafeas, beroškeahttá aktivitehtas. Oassálastit ožžot alot biepmu ja dárbbašlaš rusttegiid.
Lea nuvttá nuoraide searvat. 

Joavkojođiheaddjit: Inga Anne Maret Juuso, Inga Karen Anne Sara, Dine Fenger. Nuorat; Marja, Ante Nils Máhtte, Niilas Heaika. Prošeaktajođiheaddjit; Berit Annette Hætta, Elle Hætta. Ruvdnaprinsapára foanddas; Mawra Mahmood.

Aktivitehtat, ustitvuođat ja máhttu

Flyt oktavuođas besset nuorat searvat máŋggalágan čoagganemiide gos lea buorre borramuš ja ustitlaš olbmot. Flyt lea astoáiggis, dat lea nuvttá ja nuorat besset leat mielde diŋggain maid mii eat jáhke sin ovdal vásihan. Muhtin oassi lea olgun, juoga fas siste, ja buot doaimmain leat čeahpes jođiheaddjit. Buot maid dahket, ohppet ja buot masa servet lea juoga mii lea ávkkálaš go galget iežaset boahtteáiggi plánet ja birget eallimis.
Ovdal dieđiheami lea leamaš Flyt rabasbeaivi skuvllas, ovttas 10. klássa ohppiiguin.

“Mii leat hui movttegat go sáhttit álggahit Flyt Guovdageidnui. Guovdageaidnu lea justte dakkár suohkan geaiguin mii háliidit ovttasbargat. Sii beroštit sin nuorain ja háliidit váikkuhit dasa ahte eambbosat sáhttet čađahit joatkkaskuvlaoahpu. Buot materiála lea dal jorgaluvvon sámegilli, ja dat lea min mielas erenoamáš somá” dadjá Irene Lystrup, gii lea beaivválaš jođiheaddji Ruvdnoprinsapára Foanddas.  
 

1. modula: Flyt aktivitehtabeaivvit

Flyt álggus leat mátkkážat ja vásáhusat. Doppe oahpásnuvvet daid eará nuoraiguin, Flyt-jođiheddjiiguin ja prográmma sisdoaluin. 

2. modula: Flyt kurssat

Flyt joatkka lea logi vahkku kursa (nuvttá biebmu!). Juohke vahkkus lea sierra temá, ovdamearkka dihte “kommunikašuvdna”, “streassahálddašeapmi” ja “nannen”. Maŋŋel juovllaid lea temán joatkkaskuvla ja sii sáhttet ráhkadit alccet persovnnalaš “geaidnokártta” mii čájeha sin gievrras beliid, beroštumiid ja boahtteáiggenieguid. 

3. modula: Flyt sosiála

Go leat čađahan modula 2 de joatká Flyt sosiála čoagganemiiguin juohke mánus sidjiide geat dan háliidit. Maŋemus čoagganeapmi lea dakka maŋŋel go leat álgán joatkkaskuvlii. 
 

Vuođđudus Ruvdnoprinsabára Foanda lea ovdánahttán Flyt-prográmma ovttasráđiid nuoraiguin, fágaolbmuiguin, dutkiiguin ja ásahusaiguin mat ruhtadit dan. 

Suohkan ja Ruvdnoprinsabára Foanda ovttasbarget Flyt čađahemiin. Buot Flyt-jođiheaddjit leat ožžon oahpu Ruvdnoprinsabára Foanddas ja sii leat mielde riikaviidosaš Flyt-fierpmádagas. 

Eanet dieđuid gávnnat Flyt-prográmma neahttasiiddus

Flyt váhnenčoahkkin

Váhnenčoahkkin šaddá Guovdageainnu skuvllas duorastaga 14.09.23 dii. 18-19.00. Doppe ožžot váhnemat dieđuid prográmma birra. 

Prošeaktajođiheaddjit

Jus dus lea gažaldagat Guovdageainnu Flyt birra, váldde oktavuođa prošeaktajođiheddjiiguin:

Elle Hætta, tlf: 411 46 668

Berit Annette Hætta, tlf: 417 65 536