Guovdageainnu suohkan lea ođasmahttime suohkanplána servodatoasi mas areálastrategiija lea oassin. Areálastrategiija galgá čájehit suohkana bajimus prinsihpaid boahttevaš areálaid ektui.

Álbmotčoahkkima ulbmil lea oažžut árvalusaid álbmogis. Dat lágiduvvojit joavkobarggut gos oasseváldit ožžot muhtun fáttáid maid birra háliidit ságastallat. Joavkobarggu bohtosat leat dehálaččat servodatplána ja areálastrategiija viidáset bargguin.

Fáttát:

1.       Luondduguovllut ja meahcit

Boazodoallu, meahcásteapmi, johtolat meahcis, geavaheapmi ja suodjaleapmi, bartahuksen, mátkeealáhus ja ođđa areálagáibideaddji ealáhusat

2.       Guovdageainnu márkan ja gilit

Orrunminsttar, orrunsajit, deaivvadansajit, johtingeainnut, johtolat ja johtolatsihkkarvuohta

3.       Buorre eallin Guovdageainnu suohkanis

Movt geasuhit dálá ja ođđa suohkanássiid, manne lea buorre orrut Guovdageainnus ja movt galgá Guovdageaidnu ovdánit sámi servodahkan

Prográmma:

LES-viesus, gaskavahkku 22.05.2024

18:00 – 18:10 Várresátnejođiheaddji sávvá bures boahtima

18:10 – 18:20 Servodatoasi areálastrategiija ulbmil Várdu AS bokte

18:20 – 19:10 Joavkobargu

19:10 – 19:20 Boddu

19:20 – 20:20 Joavkobarggu ovdanbuktimat, gažaldagat ja digaštallamat

20:20 – 20:30 Várresátnejođiheaddji loahpaha

Bures boahtin! Mii guossohit gáfe ja gáhkuid

Olmmoš vuodjime skuterin