Peacepainting – 80 jagi das rájes Finnmárku boldui

80 jagi leat gollan das rájes Finnmárku boldojuvvui ja dan oktavuođas bovde «Peacepainting» buohkaid oktasaš ráfi- ja dásseárvoprošektii.

Ovttas ráfi ovddas

Davvikalohtta lea kultuvrralaččat rikkis oassi Davvi guovlluin. Mis leat olu oktasaš árvvut ja historjá, ja ollugiin mis leat fuolkkit ja oahppásat ránnjáriikkain.

Mii eallit eahpesihkaris áiggis ja dovdat olu fuolaid boahtteáigái, dan dilis háliiditge guorahallat makkár muitalusat mánáin, nuorain ja vuorrasiin leat ráfi ja dásseárvvu oktavuođas. Intuitiiva málenproseassa ja poesija bokte mii bovdet oasseváldiid buolvvaid ja čearddaid gaskkas dialogii ja kreatiiva bargobádjái!

FUOM! Sáhtat oassálastit vaikko it hálitge málet. Mii ávžžuhit buohkaid boahtit muitalit ja muittašit Finnmárkku boaldima maŋŋel nuppi máilmmisoađi. Buot jienat leat dehálaččat – beroškeahttá duogážis, vásáhusas dahje agis.

25.09.2024 dii. 18:00 Kulturviesus: Mii čalmmustahttit go lea 80 jagi das rájes Finnmárku boldojuvvui dialoga- ja dáiddabargobájiin, bargobádji mii jođihuvvo 2-3 Peacepainting bagadalliin. Juohkehaš mále gova (50x70 cm) ja ráhkada teavsttaža, mii dasto govvejuvvo vuoi oasseváldit sáhttet originálaid váldit mielde ruoktot.

• Oassálastit: Eanemusat 12 málejeaddji
• Mihttu: Ovddidit fuola earáide, ovttasbarggu ja doaivvu boahtteáigái.
• Lea nuvttá oassálastit!
• Dieđiheapmi sidjiide geat háliidit searvat málemii: anthoni.haetta@kautokeino.kommune.no

Mii ávžžuhit min vuorrasiid searvat ja juogadit iežaset vásáhusaid dahje muitalusaid dain historjjálaš dáhpáhusain 1944is!

Searvva!

Mii illudit oaidnit movt muitalusat ja dáidda sáhttet ráhkadit šalddiid olbmuid ja buolvvaid gaskka. Geassemánus 2025 mii loahpahit prošeavtta čájáhusain dáiddabargguin báikkálaš servodagain Nordkalottenis. Máidnasiid juogadeami bokte álbmot beassá oahpásmuvvat min oktasaš historjái ja vásihit daid jurdagiid ja doaivvuid maid mii juogadit.

Searvva don maid ja leage mielde dán dehálaš prošeavttas!