Vuossárgga čákčamánu 9.b. lea suohkan ja fylkkadiggeválga.

Jus háliidat sáhtát ovdagihtii jienastit. Dáppe oainnát gos lea vejolaš ovdagihtii jienastit: www.valg.no/valglokaler

Jus jienastat ovdagihtii muhttin eará suohkanis go dan suohkan gos leat jienastuslogus, fertet dan dahkat nu árrat ahte du jietna joavdá rivttes suohkanii ovdal čákčamánus 10.b.

Váldde mielde legitimašuvnna mas lea govva go boađát ovdagihtii jienastit. Jus jietnavuostáiváldi ii dovdda du de it beasa jienastit muđui. Jus leat ožžon válgakoartta berret dan maid váldit mielde, vaikke dat ii leat juoga mii gáibiduvvo vai beassá ovdagihtii jienastit.

Jienasteddjiide geat orrot ásahusain lea vejolaš ovdagihtii jienastit daid ásahusain mat leat nammuhuvvon dás vuolábealde.