Ođđa stáhtus:
Guovdageaineanu čáhci lea dál njiedjan ja juhkančázi ivdnelohku lea dál šaddan dan mađe buorre ahte suohkan dál bisseha juhkančázi klorema.
Dát dušše diehtun.
Guovdageainnu čoahkkebáikki juhkančázis lea dál alla ivdnelohku, muhto lea siskkobealde ávžžuhuvvon árvvuid mat leat juhkančáhceláhkaásahusas, ja Biebmobearráigeažu rávvagiin. Suohkan lea gieskat ožžon vástádusaid čáhceiskosiin mat leat váldon vahkku 26. Dát iskosat čájehit ahte buot árvvut leat ávžžuhuvvon árvvuid siskkobealde.
Sivvan dasa lea go Guovdageaineanus lea ain ollu čáhci, mii dagaha ahte min čáhcebohcciide golgá bajoščáhci. Go čáhci fas njiedjá de šaddá nu go dábálaččat ja ivdni maid jávká dađistaga.
Eastadeaddji doaibmabidjun lea álggahuvvon juhkančázi kloren, lassin UV-suonjardeabmái. Kloreremis ii leat váikkuhus dearvvašvuhtii.
Čáhceiskosat ja eará guoskevaš dieđut biddjojit suohkana ruovttusiidui.
Vannprøver - Kautokeino kommune (suohkan.no)
Kjemiske og fysiske stoffer i drikkevann - FHI
Leveringsvilkår for drikkevann - Kautokeino kommune (suohkan.no)
Teknihkalaš bálvalusaid ovttadat
![](/handlers/bv.ashx/iffae1ab0-de5e-4e81-aa7a-c75d69b59374/w1200/q2073/k38ae51d504c4/illgovva-mii-cajeha-cazi-mii-golga-suohkana-revrriin.jpg)