Oppalaš njoammueastadanrávvagat mat ain gustojit:
Álttás ain lassána koronanjoammun. Mannan vahkku ledje 99 njoammumat, ja vahkku ovdal ledje 47.
Eanas olbmot leat boahkuhuvvon, muhto eai buohkat. Čuovo eiseválddiid ávžžuhusa ja váldde boahku covid-19 vuostá, jus it leat juo váldán boahku. Jus háliidat boahku váldit, váldde oktavuođa boahkuhankoordináhtoriin telefovnna bokte: 485 00 784
Mii ávžžuhit buot olbmuid iskosa váldit ovttatmano go dovdagohtet covid-19 dávdamearkkaid dahje balahat njoammuduvvon koronavirusiin.
- Ruovttuiskkadanrusttegiid sáhttá viežžat vuoiŋŋahatklinihka iskkusstašuvnnas juohke beaivvi dán ja boahtte vahkku, dii. 13:00-14:00.
Koronavirusa dávdamearkkat sáhttet leat feber, gosahat, lossat vuoigŋat, oaivebávččas, ahte lea šliettas, hedjonan haksin- dahje máistináicu ja ahte deahkit verket. Muhtin dilálašvuođain leat maiddá čottabávččas, golgi dahje dahppon njunni ja gastin maiddá dávdamearkkat.
Jus leat eahpesihkkar ahte leatgo dus koronavirusa dávdamearkkat, berret váldit iskosa.