Mo galgat hábmet servodaga nu ahte mánáin ja nuorain lea buorre ja oadjebas bajásšaddan?  Mo galggašeimmet organiseret boarrásiidfuolahusa go boarrásiid lohkku lassána? Mo galgat hálddašit min eatnamiid? Makkár ássanstruktuvrrat galget mis leat boahtteáiggis? Maid galgat dahkat nu ahte olbmot háliidit ain orrut dáppe?

Dál ovddasguvlui beasat don, suohkana ássin, njuolgga váikkuhit maid mii galgat vuoruhit. Suohkan lea ássiidis várás, ja danin leat du vásáhusat, evttohusat ja oaivilat nu dehálaččat dál go suohkan lea ođasmahttimin suohkanplána servodatoasi.

Mii háliidat du oaivila gullat. Leage mielde hábmemin Guovdageainnu boahtteáiggi.

• 17.04.2024 - Álbmotčoahkkin ássiidiskkadeami birra Guovdageainnus - čoahkkin lea maŋiduvvon
• 14.05.2024 - Álbmotčoahkkin bargobájiin Mázes
• 22.05.2024 - Rabas čoahkkin areálastrategiija birra Guovdageainnus
• 23.05.2024 - Bargobádji nuoraiguin Guovdageainnus
• Vahkku 23 - Čoahkkin vuorasolbmuidráđiin ja doaimmashehttejuvvon olbmuid ráđiin
• 05.06.2024 - Álbmotčoahkkin bargobájiin Guovdageainnus