Ávžžuhus

Guovdageainnu suohkan bivdá dál olbmuid geain lea 35 kg/m2 dahje alibut čoahkkisvuođamihttu (KMI), maid gohčoduvvon BMI (body mass index), váldit oktavuođa boahkuhankoordináhtoriin, go sii vuoruhuvvojit boahkuhanplána mielde ja sáhttet oažžut koronaboahkuhanfálaldaga.  

Dáppe sáhtát rehkenastit iežat BMIa.

Doalut

Konfirmašuvnnat

Konfirmašuvnnaid sáhttá lágidit juohke áigodaga gustovaš našunála gáržžidemiid ektui.

Jus našunála gáržžideamit suvvet, de lea vejolaš láigohit lokála suohkanis. Otná njuolggadusaid ektui lea lohpi čohkket 10 olbmo priváhta doaluide almmolaš báikkis (luoikkahan/láigohan báiki), mii dagaha ahte dál ii heive láigohit lokála suohkanis.

Miessemánu 17. beaivi

Dáppe sáhtát lohkat maid ráđđehus lohka dán jagaš 17.mai doaluid birra.

Koronanjoammunstáhtus

Guovdageainnu suohkanis ii leat koronanjoammu leavvan.

Dán vahkku lei okta positiiva koronaiskos, muhto dat olmmoš lea vuolgán ruovttusuohkanii ja čuovvuluvvo doppe. Loga eambbo ášši birra dáppe. 

Leat váldon 40 koronaiskosa ovddit vahkku (vahkku 15), buot bohtosat ledje negatiivva. 

Koronaboahkuhanstáhtus

Guovdageainnu suohkanis leat obbalaččat bidjon 741 korona boahkkodosa.

Vahkku 16 leat bijahan 96 boahkkodosa, 92 olbmo leat ožžon vuosttaš dosa ja 4 olbmo leat ožžon nuppi dosa.

Boahtte vahkku mielde oažžut 16 láse mas koronaboahkut.