Guovdageainnu suohkana NAV sosiála bálvalus fállá ekonomalaš bagadallama buohkaide. Bálvalusa ulbmil lea eastadit vealgeváttisvuođaid, buoridit geavaheaddji ekonomalaš dili ja veahkehit olbmuid šaddat iešbirgejeaddjin.
Dus eai dárbbat leat stuora ekonomalaš váttisvuođat ovdal válddat oktavuođa. Jus dus leat gártan olu rehkegat iige soaitte áibbas obbalašgovva iežat ekonomalaš dilis, de váldde jođáneamos lágiin oktavuođa.
Ekonomiija- ja vealgeráđđeaddin
NAV kantuvrras sáhttá ekonomiija- ja vealgeráđđeaddi veahkehit.
Earret eará sáhttá ráđđeaddi veahkehit:
- kártet du ekonomalaš dili
- gávnnahit mot unnidit du olggosgoluid
- dahkat šiehtadusaid singuin geaidda dus lea vealgi
- gávdnat dieđuid du rivttiid ja geatnegasvuođaid birra
- váldit oktavuođa namsmánnin
- ohccát vealgeortnega
Vealgeráđđeaddi sáhttá addit viidát bagadallama, ja veahkehit kártet du ekonomalaš dili. Jus leat duođalaš ekonomalaš váttisvuođat de NAV Guovdageaidnu ovttasbargá vealgegelbbolašvuođa guovddážin. Gelbbolašvuođa guovddáš sáhttá veahkehit šiehtadallat kreditoraidguin ja geahččalit gávdnat buriid čovdosiid dutnje.
Fálaldat lea nuvttá, sáhtát sáddet ohccáma www.nav.no bokte, fitnat min kantuvrras, dahje riŋget ja šiehttat áiggi.
Eambbo dieđuid ekonomiija- ja vealgeráđđeaddima birra gávnnat dáppe.
Ekonomalaš sosiálaveahkki
Dárbbahat go veahki dan buot dehálepmosii nu go omd. bibmui, vissui jnv. ovtta oanehit áigái, de sáhtát ohccát ekonomalaš sosiálaveahki.
Dakko sáhtát sáddet digitála ekonomalaš sosiálaveahkke ohccáma, dahje sáhtát fitnat NAV kantuvrras deavdime ohccáma báberhámis.
NAV Guovdageaidnu
Tlf: 5555 3333
Jus leat heahtedilis, omd. ahte dus ii leat ruhttá, dahje orrunbáiki riŋges: 404 87 830
Kantuvrra vuosttáváldin lea rabas:
Mánnodaga, gaskavahkku, bearjadaga dii. 10.00-13.00.
Min gávnnat: Ájastealli 3, 9520 Guovdageaidnu