Denne artikkelen er over 1 år gammel og kan inneholde utdatert informasjon
Kontrákta lea vuolláičállojuvvon
Suohkanstivra mearridii odne ovttajienalaččat mannat viidáset ođđa skuvlla detálljaplánemiin Guovdageainnu márkanbáikkis. Mearrádus álgit hukset meannuduvvo geassemánus, go detálljaprojekteren lea gearggus.
Sátnejođiheaddji ja entreprenevra vuolláičálliba ođđa skuvlla huksema kontrávtta.
Almmuhuvvon 17.12.2020 17.14
Maŋemusat rievdaduvvon 07.09.2023 08.59
Skuvla lea plánejuvvon huksejuvvot dálá skuvlaviessosadjái, ja dohko galget čáhkat oahppit 1.ceahkis 10.ceahkkái. Skuvlaviessu lea boahtteáiggenjulgejuvvon, gos nanu digitála infrastruktuvra ja molssolaš ja máŋggabealat oahppanareálat. Viessu huksejuvvo muoras.
Guovdageainnu ođđa skuvla šaddá viiddis beaivelatnja buot suohkana ássiide, ja doppe boahtá leat sihke vuojadanhálla, volleyspábbahálla mas teleskohpaámfi ja stuora váibmu gos lávdi mii lea čadnon skuvlla musihkkalatnjii.
Čoahkkimis vuolláičáliiga sátnejođiheaddji Hans Isak Olsen ja Per Ivar Rasmussen, PEAB Bygg AS sadjásaš hálddahusdirektevra, kontrávtta. WSP Norge AS:s lea prošeaktajođiheapmi, lea programmeren viesu ja jođihan geavaheaddjiproseassaid ja fálaldatgilvvu mii buvttii vuoitoevttohusa maid Ola Roald Arkitektur lea tevdnen.
Buohtalaga skuvlla viidáset detálljaplánemiin, mearridii suohkanstivra álggahit proseassa časkit oktii dan guokte skuvlla márkanis mas de lea okta jođihangoddi, ja mii lea jođus 2021 skuvlaálgimis.
WSP:a Erik Bratholm váldá suohkanstivraáirasiid mielde digitálaoahpisteapmái ođđa skuvllas.