Denne artikkelen er over 1 år gammel og kan inneholde utdatert informasjon

Juovladearvvuođat Guovdageainnu sátnejođiheaddjis

Odne leat mii fitnan juovlaguossis buhcciidruovttus, ássanguovddážis ja Dorvogoađis. Doppe mii beasaimet ságastallat eallilan olbmuiguin ja dáid guovddážiid ássiiguin, ja mii buvttiimet vel juovlaherskuid sidjiide. Mii leat hui giitevaččat dan barggu ovddas man min dearvvašvuođabargit barget ja sii ledje stellen nu fiinna juovlamállásiid vuorasolbmuide, buhcciide ja ássiide

Almmuhuvvon 24.12.2023 23.21
Maŋemusat rievdaduvvon 24.12.2023 23.23

 Mii giitit Guovdageainnu álbmoga vássan jagi ovddas. Mii cealkit dearvvuođaid erenoamažit didjiide geat lehpet bargguin ja eallogoahkkan basiid, mii sáddet liekkus dearvvuođaid didjiide geat vásihehpet buozanvuođa ja didjiide geat ohcalehpet lagasolbmo gii lea vádjolan vássan jagis. Giitu buohkaide geat ovddidehpet min suohkana, min fitnodagaide, eaktodáhtolaš bargiide ja servviide. 

Guovdageainnu suohkana sátnejođiheaddji Anders S. Buljo (JSL) ja su Verddevuođa-ovttasbargoguoimmit Olgežis, Guovdageainnu Sámilisttus ja Guovdageainnu Árjjas sávvet buohkaide ráfálaš ja ilolaš juovlabasiid ja buressivdniduvvon ođđa jagi.