Dat bistá dábálaččat moadde vahku. Suohkandoavttir Anne Lajla Kalstad ávžžuha ássiid čuovvut rávvagiid eastadandihte njoammuma leavvamis.  

"Suddjen dihte iežat ja earáid lea dehálaš ahte dus lea buorre giehtabuhtisvuohta ja ahte bissut ruovttus jus buohccát. Mii berret erenoamážit atnit fuolas sin geat sáhttet duođas buohccát nu go boarrásat ja sis geain lea kronalaš dávda, lohká Kalstad.

Rávvagat njoammuma eastadeapmái:

• Ane buori giehtabuhtisvuođa

• Biso ruovttus jus leat buohcci dahje jus dus leat easkka boahtán vuoiŋŋahatvuolšedávdamearkkat nu go feber, gosahat, lossa vuoigŋan, oaivebávččas, šliettasvuohta, lihkadanváddu dahje čottabávččas. Ráddje oktavuođa earáiguin dassážii go dovddat iežat dearvvaš fas

• Ane erenoamáš fuola sis geat sáhttet oažžut duođalaš váttisvuođaid influeanssa geažil

• Váldde oktavuođa doavtterkantuvrrain dahje doavttervávttain jus fuolastuvat, dárbbašat ráđiid dahje dárbbašat dearvvašvuođaveahki

Eambbo dieđuid influeansa ja eastadeami birra gávnnat Helsenorge neahttasiidduin.