Denne artikkelen er over 1 år gammel og kan inneholde utdatert informasjon
Guovdageainnu suohkan ja suohkandirektevra váidojuvvon
Preassas boahtá ovdan ahte Guovdageainnu suohkan ja suohkandirektevra Karin Hætta lea váidon roavva bálvalusgoarádusa geažil ráŋggáštuslága § 171 mielde, go dihtomielalaččat leat doalahan ruovttoluotta ovtta dokumeantta 5 mánu nu ahte Stáhtahálddašeaddji váiddameannudeapmi maŋŋonii oaidninbiehttaleami váidima geažil.
Almmuhuvvon 31.08.2023 10.00
Maŋemusat rievdaduvvon 31.08.2023 10.00
Ii Guovdageainnu suohkan iige suohkandirektevra leat vuos vuostáiváldán váidaga.
Guovdageainnu suohkan ja suohkandirektevra váldá dákkár váidaga hui duođalaččat ja háliida buoremus lági mielde veahkehit čielggadeame ášši.
Guovdageainnu suohkana mihttu lea leahkit rabas suohkanin ja maŋemus jagi lea bargon buoridit rutiinnaid mat sihkkarastet njuolga beassama arkiivavuogádaga dokumeanttaide ja vástádusaid oaidningáibádusaide láhkanannejuvvon áigemeari rádjái. Jus ii leat vejolaš addit ruovttoluotta dieđu áigemearrái, de sáddejuvvo ruovttoluotta diehtu ahte áššiin bargojuvvo ja dieđuid leat viežžame vai oaidningáibádusa sáhttá doaimmahit nu jođánit go vejolaččat.
Guovdageainnu suohkan ja suohkandirektevra Karin Hætta áigot veaháš áiggi atnit čađalohkat váidaga go vuostáiváldet dan ovdalgo suohkan sátnejođiheaddji bokte buktá cealkámuša.