Čoahkkimis juovlamánu 19. b. 2024 meannudii suohkanstivra ášši 77/24 suohkana mánáidgárdestruktuvrra birra. Suohkanstivra mearridii ahte galgá ráhkaduvvot konseapttaraporta dan vuođul ahte ásahuvvo ođđa mánáidgárdi mas lea sadji 35 mánnái.
Gáhkkorčoru mánáidgárddi stivra válljii ahte eai searvva prošektii. Dat leat ráhkaduvvon guokte váldoevttohusa:
• Mánáidgárdi fuolahusvistti haga, mas leat guokte vejolaš huksenbáikki:
o Gártnetluohkás, gos otná mánáidgárdi lea. De gaikojuvvo dálá vistti ja ođđa huksejuvvo
o Unna Allaeatnamis
• Lotnolasvisti mánáidgárddiin ja fuolahusásodagaiguin, dearvvašvuođaguovddáža guoras, maiddái dat Unna Allaeatnamis.
Dál lea konseaptaraporta gulaskuddamis guhtta vahku, gulaskuddanáigemearri lea miessemánu 23. beaivi 2025.
Dáinna lágiin buvttát cealkámuša
Mii bovdet buot ássiid ja berošteddjiid lohkat raportta ja buktit cealkámušaid. Sáddes mearkkašumiid ja kommentáraid dán skovi bokte, dahje: britt.ornebakk@kautokeino.kommune.no
Maŋŋil gulaskuddanáigemeari geahčaduvvojit buot árvalusat, ja vejolaš rievdadusat dahkkojuvvojit ovdal go ášši ovddiduvvo suohkanstivrii meannudeapmái geassemánu 19. beaivvi 2025.
Guovdageainnu suohkan - guokte sierralágan konseapta ođđa mánáidgárdái. Konseapttaraporta oktan gullevaš latnja- ja doaibmaprográmmain (PDF, 768 kB)
Guovdageainnu mánáidgárddi birra. Mielddus 1: Latnja- ja doaibmaprográmma (PDF, 2 MB)
Fuolahusásodagat Guovdageainnus. Mielddus 2: Latnja- ja doaibmaprográmma (PDF, 848 kB)