Giellavahkku 2024 Guovdageainnus

Boahtte vahkku lea Giellavahkku ja suohkanis ávvuduit máŋgga ládje sihke skuvllain, mánáidgárddiin ja eará báikkiin. Giella- ja kultuvra doaibma lea čohkken prográmma olles vahkkui. Buot lágideamit leat nuvttá. Lassin boahtá vel gilikino filbmaprográmma sotnabeaivái 27.10. mas dušše sámegielat filmmat. Dá lea giellavahkku prográmma:

Almmuhuvvon 18.10.2024 13.39

Maŋemusat rievdaduvvon 21.10.2024 11.21

Giellavahkku prográmma Anna-Katri Helander

Mánnodat 21.b golggotmánu

17:00: Filbmaboddu mánáide álbmotgirjerádjosis, «Kardemommegávpot» čájehuvvo ovttas Sápmi Filmain.

Disdat 22.b golggotmánu

12:00: Lohkanboddu Marit Kirsten Anti Gaupain álbmotgirjerádjosis.
18:00: Juoiganboddu mánáide álbmotgirjerádjosis juigiiguin Mathis Eirain ja Sara Garen Anne Niluhin.

Gaskavahkku 23.b golggotmánu

12:00: Nástegoahti, dieđiheapmi: Nástegoahti (kautokeinofolkebibliotek.no)
15:00: Nástegoahti, dieđiheapmi: Nástegoahti (kautokeinofolkebibliotek.no)
18:00: Nástegoahti, dieđiheapmi: Nástegoahti (kautokeinofolkebibliotek.no)

Nástegoahtái lea ráddjejuvvon man ollusat čáhket juohke čájálmassii, danin ferte dieđihit ovdagihtii. Dieđiheapmi lea nuvttá. Muitte geahččat ahte dieđihat dan áigái masa leat jurddašan boahtit.

Duorasdat 24.b golggotmánu

11:00: Lohkanboddu Espen Eirain álbmotgirjerádjosis.
18:00: Mánáid juoigankonsearta Kulturviesu sálas. Rabas lávdi buot áŋgiris unna juigiide!

Bearjadat 25.b golggotmánu

19:00: Lounge Sápmi – konsearta eahket Davvi Divisionis. Artist: Ava Freddy. Konsearta lea nuvttá, mánáide ja nuoraide lea kafea maid nuvttá.

Lávvordat 26.b golggotmánu

15:00 - 21:00: FIFA-turneringa Sámi Gamers HQs Ájasteallis. Guossohuvvo nuvttá pizza dii. 16:00 rájes.

Mii sávvat buohkaide bures boahtima lágidemiide ja buori giellavahkku ávvudeami!