Oallugat sáddejit e-boasttaid midjiide. Dat sáhttá leat eahpesihkar kanála dan dihte go sáhttá hackejuvvot, e-boasttat sáhtte bissehuvvot spamfiltaris ja áššemeannudeaddji geasa sáddet sáhttá leat guhkit áigái eret. Mii ávžžuhit dan dihte buohkaid atnit eDialog go galget sáddet juoidá Guovdageainnu suohkanii, maiddai go sisdoallu ii leat čiegus/lea almmolaš.

Deaddil dákko sáddet midjiide boasta eDialog bokte

Go áiggut atnit vuogádaga, fertet logget sisa ID-portain (MinID, BankID ja nu ain).

Ná deavddát skovi:

• Vállje leat go priváhtaolmmoš/ássi (riegádannummár) dahje jus ovddastat fitnodaga (organisašuvdnanummár).
• Bákkolaš oasit leat merkejuvvon * (rukses násti).
• Bajilčála: Makkár dokumeantta sáddet ja áinnas áššenummár (min ref.) jus dus lea.
• Kommentára: Dás sáhtát vuđolaččat čilget mii lea máid sáddet.
• Viečča mildosiid.
• Deaddil “Send forsendelse” – sátta krypterejuvvo ja sáddejuvvo njuolga min ášše-/arkiivavuogádahkii.
• Oaččut e-bostii guitte mas referánsanummár (svarut.ks:as).

It galgga atnit eDialog jus:

• Suohkanis lea elektrovnnalaš skovvi áigumuššii, omd. mánáidgárdesaji ohcan, vuodjinlobiohcan ja nu áin. Don gávnnat ohcanskoviid dáppe.
• Dus lea dábálaš gažaldat, de sáddet e-boasta: e-post@kautokeino.kommune.no

eDialog boalu gávnnat maid vuolemusas suohkana ruovttusiiddus: