Denne artikkelen er over 1 år gammel og kan inneholde utdatert informasjon
Dihtorkursa Guovdageainnu suohkana ássiide
Háliidat go oahppat atnit digitála veahkkeneavvuid?
Almmuhuvvon 14.10.2022 21.47
Maŋemusat rievdaduvvon 14.10.2022 22.07
Guovdageainnu suohkan fállá nuvttá dihtorkursa vuorasolbmuide ja earáide geat dovdet ahte sis lea unnán dahje váilevaš digitála gelbbolašvuohta. Dát fálaldat lea dutnje gii dovddat ahte dárbbašat oahppat eambbo movt atnit digitála veahkkeneavvuid.
Kursa álgá oahpahusain mas vuđolaččat oahpat atnit dihtora. Mii lágidit kursa oktii vahkkui golggotmánus juovlamánnui. Dieđut goas kursat lágiduvvojit ja makkár fáddá lea guhtege kurssas gávnnat das. (PDF, 72 kB)
Suohkanis leat dihtorat maid sáhtát atnit go boađát kursii. Jus dus alddát lea dihtor, de váldde áinnas dan mielde.
Jus don háliidat čálistit notáhtaid go leat kurssas, de váldde mielde girjjáža.
Don sáhtát ieš válljet guđemuš kursii searvvat. Don attát dan birra dieđu go dieđihat.
Gos: Soggi kursalanjas suohkanviesus
Kursadoallit: Lohkan- ja čállinveahkki Ellen J. Hætta ja e-dearvvašvuođa ráđđeaddi Berit Marie Helene Eira.
Dieđiheapmi:
Muitte addit dieđu guđemuš kursii dieđihat.