Kurssas oahpat movt ja masá sáhtát atnit iPad’a, ođđamállet mátketelefovnna ja dihtora. Ja oahpat ráhppát ja atnit iešguđetge lágan prográmmaid mat leat ánolaččat geavaheddjiide, ovdamearkka dihte Digipost ja Helsenorge.
Dát kurssat leat joatkán čavčča kurssain. Don sáhtát dieđihit iežat kursii vaikko it lean mielde čakčat kurssain. Mis leat 7 kurssa mat dollojuvvojit dán vuoru.
Dieđit iežat kursii jus áiggut oahppat digitála veahkkeneavvuid birra, iPad’a, ođđamállet telefovnna dahje dihtora birra. Mis lea sadji dušše guhtta (6) oasseváldide hávális.
Jus dus lea iPad’a dahje nettbrett’a (neahttafiellu) váldde áinnas mielde kursii, ja jus dus ii leat iPad’a dahje nettbrett’a de leat mis muhtin iPad’at máid sáhttá atnit kurssas.
Váldde maid áinnas mielde girjjáža masá sáhtát čálistit jus dárbbašat ja maid kodebrikka (bankID kodebrikke) go galggat beassat sisa ovdamearka dihte almmolaš bálvalusaide.
Dieđit iežat kursii e-boastta bokte, riŋges dahje finat suohkana bálvaluskantuvrras dieđiheame iežat kursii.
Dihtor- ja digitála veahkkeneavvukursat