Suohkan lea ásahan ovttasbarggu Stáhtahálddašeddjiin, Biebmobearráigeahčuin, Ábborášša orohagain ja Norgga Boazosápmelaččaid riikaservviin árvvoštallan dihte dárbbašlaš čorgen doaimmaid ja sihkkarastit ahte dearvvašvuođa- ja birasberoštumit vuhtiiváldojuvvojit. Suohkan lea ohcan Stáhtahálddašeaddjis ruđaid helikopterláigogoluide, mii árvvoštallojuvvo leat buoremus vuohkin viežžat ráppiid ovdal dálvvi.

Álggu rájes dáhpáhusas lea psykososiála heahtejoavku leamaš mielde barggus doarjut gillájeddjiid ja gieđahallat psyhkalaš nođiid maid dáhpáhus mielddisbuktá. Heahtejoavkkus lea leamaš bargu go guoská čuovvolit sin geat leat gillán dáhpáhusa oktavuođas. Dát lea leamaš dehálaš sihke orohahkii ja báikegoddái.

Buollinsuodjalus lei maid veahkkin go dáhpáhusa fuomášedje ja nu guhka go ain lei vejolaš gádjut ealli bohccuid. Áŋgiruššan maid sii dahke lea leamaš hui dehálaš báikkálaš servodaga oadjebasvuhtii ja dasa ahte gádjut elliid go lea vejolaš.

Govva dás vuolábealde lea ráhkaduvvon goanstajirpmiin ja galgá mahkáš čájehit go helikopter lokte ráppiid čázis

KI generert bilde som viser helikopter som løfter reinsdyr