Guovdageainnu suohkan dieđiha ahte buhcciidruoktu, Dorvogoahti fuolahusguovddáš ja Allaeanan orohat galget ain doalahuvvot gitta gáhtten dihte min rašes olbmuid geat doppe orrot.

Dearvvašvuođaguovddážis galgá ain leat beassandárkkisteapmi nu movt dál lea leamaš juo muhtin áigge, muhto doaktárat váldigohtet iežaset pasieanttaid ságastallamiidda ja iskkademiide geat eai leat ožžon čuovvoleami njukčamánu ja cuoŋománu.

Dus ferte leat šiehtaduvvon doavtterdiibmu dahje dikšodiibmu ovdal go beasat sisa dearvvašvuođaguovddážii.