Denne artikkelen er over 1 år gammel og kan inneholde utdatert informasjon
Dán jagaš valaštallanstipeanda vuoitit
Dán jagi lea Guovdageainnu suohkan válljen juohkit valáštallanstipeandda guovtti valáštalliide. Valáštalli guovttos boahtiba surggiin mas suohkan ovdal ii leat juohkán stipeandda.
Almmuhuvvon 18.12.2023 15.26
Maŋemusat rievdaduvvon 18.12.2023 17.06
Ole Herman Hætta
Dát nuorra valáštalli (16 jagi boaris) gilvala ollu mehciin, iešguđetgelágan guovlluin. Son lea earret eará gilvalan Offroadfinnmark, Ylläs-Levi ja lea oassálastán viđa norggacuparittas. Su mihttu lea beassat riikkajovkui ja gilvalit bajimus dásis doppe.
Ole Herman vázzá dál toppidrettsgymnasas Lillehammeris, ja su valáštallansuorgi lea meahccesihkkelastin (Terrengsykling).
Eskil André Hætta
Son lea maid nuorra valáštallii (19 jagi boaris). Son liiko čázi ja leavttu, bensiinna ja skruvvaruovddi. Su mihttu lea beassat guoddit eurohpámeašttir tihttela. Su valášansuorgi lea čáhcecrossa, ja lea ožžon fálaldaga vuoddjit Polaris ovddas.
Son lea gilvalan “Pro Open” klássas mii lea dat stuorámus luohkká. Gilvalan son lea sihke Norggas, Ruoŧas ja Suomas. Mannan geasi son šattai goalmmádin Skandinávia stuorámus gilvvuin.
Mii sávvat ollu lihkku sunnoide!
