Kultuvra ja bajásšaddan váldolávdegoddi lea gieskat mearridan Báktehárjji valáštallanhálla ođđa njuolggadusaid mat gustojit 01.09.2024 rájes. Sihkkarastin dihte ahte hálla gokčá báikkálaš servodaga dárbbuid nu bures go vejolaš, ávžžuhit mii dál ássiid buktit cealkámušaid ja oaiviliid dohkkehuvvon njuolggadusaide.

Báktehárjji valáštallanhálla njuolggadusat, mearriduvvon 22.08.24, gustojit 01.09.24 rájes (PDF, 194 kB)

Báktehárji valáštallanhálla lea máŋga jagi leamaš dehálaš deaivvadanbáiki sihke organiserejuvvon valáštallamii ja eará doaimmaide. Ođđa njuolggadusat leat dahkkon dainna ulbmiliin ahte háhkat fátmmasteaddji ja beaktilis hálla geavaheami. Seammás háliida suohkan gullat geavaheddjiid evttohusaid ja oainnuid.

Cealkámušat geahčaduvvojit ja árvvoštallojuvvojit ovdal go njuolggadusaide dahkkojuvvojit makkárge rievdadusat. Áigemearri sáddet cealkámušaid lea biddjon skábmamánu 1.beaivái 2024, ja cealkámušaid sáhtát sáddet elektrovnnalaš skovi bokte, e-poastta bokte dahje sáddet poastta mielde/buktit suohkanii. 

Merke cealkámuša referánssain: 2023/3205

Elektrovnnalaš skovvi

E-boasta čujuhus: e-post@kautokeino.kommune.no

Guovdageainnu suohkan
Bredbuktnesveien 6
9522 Guovdageaidnu

Báktehárji valáštallanhálla lea dehálaš resursa sihke unnoraččaide ja stuorebuččaide, ja dál lea dus vejolašvuohta váikkuhit mo dat geavahuvvo boahttevaš jagiid.