Juovllat lahkonit, ja mii leat álggahan adveantta dainna vuordámušain ahte nagodit doalahit njoammuma dan seammá vuollegis dásis go leat nagodan dan rájes go Norga giddii njukčamánu.

Lea ollu sáhka dan birra ahte juovllat šaddet earáláganat, ja dan leat juo mearkkašan dáppe min luhtte. Dábálaččat mis leat spábbačiekčamat, duodjemárkanat ja juovlabasára dán áigge jagis, muhto buot dáid leat bidjan eret suddjen dihte min ássiid.

Girku ii ge sáhte doallat ipmilbálvalusa eambbo go eanemusat 50 olbmui, mii mearkkaša ahte sii fertejit organiseret doaimma earáláhkái.

Váikkuhusat njoammundáhpáhusain lea ahte fertet vuohon giddet servodaga. Ja vásihit ahte manahit vel eanet bargosajiid. Dán eat sáhte risikeret.

Dan dihte lea ávžžuhus, boađe áinnas ruoktot juovllaide, muhto leage várrogas ja dihtomielalaš njoammunsuddjema rávvagiid hárrái. Doala unnimusat mehtera gaskka, basa gieđaid bures, ale mana guossái dahje váldde gussiid jus dus lea nuorvvu dávdamearkkat. Vállje dárkilit geaid lahka leat, ja jurddašala bures movt ovttastalat bearrašiin ja ustibiiguin.

Sávan fiinna adveantaáiggi dáid vahkuid.  

Hans Issat

Sátnejođiheaddji