Eiseválddit leat fárrolaga suohkaniiguin mearridan garra doaibmabijuid maŋŋil go Nordre Follos lea dan maŋemus áiggi leavvan dat ođđa virus maid doivot boahtán Englánddas ja maid balahit ahte njoammu álkit go dat “dábálaš” virus. Stádahálddašeaddji Romssas ja Finnmárkkus ávžžuha ahte olbmot dáppe eai mátkkoš čuovvovaš suohkaniidda: Enebakk, Frogn, Indre Østfold, Moss, Nesodden, Nordre Follo, Oslo, Vestby, Våler ja Ås.