Bargobáji rabai várresátnejođiheaddji Elle Mari Dunfjell Oskal gii čilgii man dehálaš dát plánabargu lea.

Marit Meløy Várdu AS fitnodagas doalai sáhkavuoru das maid ja movt mii ovttas galgat bargat viidáseappot proseassain mii loahpahuvvo gárvves suohkanplána servodatosiin dán jagi mielde. Dasto čilgejuvvui Máze suohkanoasseplána birra mii maid galgá ođasmahttojuvvot. Meløy čilgii maiddái bohtosiid mat bohte ovdan ássiidiskkadeamis mii čađahuvvui ovdal juovllaid 2023.

Oasseváldit juhkkojuvvojedje joavkkuide gos earet eará  digaštalle das movt sihkkarastit ássanmovtta Mázes, makkár vejolašvuođat leat ealáhusovddideamis Mázes ja movt eaktodáhtolaš organisašuvnnat ja báikkálaš ealáhusat sáhttet ovttasbargat nannet gili beaggima ja geasuheami.

Várresátnejođiheaddji Elle Mari D. Oskal ja prosj.jođiheaddji Marit Meløy

Folk samlet til workshop i Máze

Ovdanbuktit joavkobargguid

Folk samlet til workshop i Máze