Ekonomiijaplánat

Dáppe gávnnat Guovdageainnu suohkana ekonomiijaplánaid.

Almmuhuvvon 10.03.2021 10.16

Maŋemusat rievdaduvvon 11.01.2024 12.27

Ekonomiijaplána váldá vuođu suohkanplána guhkitáiggi mihttuin, strategiijain ja hástalusain ja čilge movt suohkan áigu atnit iežas resurssaid olahan dihte mearriduvvon politihkalaš mihttuid. Ekonomiijaplána lea 4 jahkái, muhto ođastuvvo jahkásaččat.

Jahkebušeahtta lea vuosttas jahki ekonomiijaplánas, ja čilge makkár doaimmat leat plánejuvvon vuosttaš jahkái plánaáigodagas ja movt resurssat juhkkojuvvot.

Ekonomiijaplánas boahtá ovdan makkár doaibma lea plánejuvvon ja movt resurssat juhkkojuvvojit daid 4 boahttevaš jagiid. Jahkebušeahtta čatná plánaáigodaga vuosttaš jagi resursajuogu. Ekonomiijaplána 3 maŋit jagiid lea láidehus movt resurssat galget adnot 3 maŋgit jagiid, dat ii čana resurssajuogu.

Suohkanstivra mearrida jahkásaččat jahkebušeahta ja ekonomiijaplána. Dábálaččat suohkanstivrra čoahkkimis juovlamánus.