Diŋgojupmi ja vástidanáigi:

Muhtin ovttadagaid dokumeanttaid sáhtát viežžat njuolga, muhto muhtin earáid dokumeanttain ferte diŋgot oaidnima.

Dokumeanttaoaidnin diŋgojumit meannuduvvojit golmma beaivvi sisa.

Dokumeanttat mat eai leat almmolaččat

Dát leat dokumeanttat maid suohkan galgá dahje sáhttá váldit eret almmolašvuođas. Dat guoská daid háviid go dokumeantta dahje journáladáhta sisdoallá dieđuid mat leat jávohisgeatnegasvuođa vuollásaččat (dahje eará várjalanágga) lága dahje láhkaásahusa vuođul.

Lea ain vejolašvuohta sihttát oaidnit daid dokumeanttaid ja vejolašvuohta oažžut oaidnit oasit dokumeanttas.

Dokumeanttat mat lea almmolaččat muhto eai leat almmuhuvvon

Vaikko dokumeanttat leat almmolaččat sáhttet leat eará ákkat manne eai leat almmuhuvvon.

Dat sáhttet ovdamearkka dihte leat siskkáldas dokumeanttat dahje eará dokumeanttat main leat muhtin persondieđut dahje dieđut mat láhkaásahusa vuođul eai galgga almmuhuvvot internehttii. Lea ain vejolaš sihttát oaidnit daid dokumeanttaid njuolga boastalisttu diŋgojumi bokte.

Eará dokumeanttat mat eai almmuhuvvo boastalistui

Guovdageainnu suohkan ii almmut journáladieđuid dahje dokumeanttaid personguoskevaš arkiivaosiin dego personálaarkiiva, oahppiarkiiva ja eará klieantta- ja geavaheaddjiarkiiva.

Dáid arkiivaosiin sáhttá ráhkadit almmolaš journála diŋgojumi vuođul. Diŋgojumis ferte leat áigodat ja makkár arkiivvas sihtá  journála.