Guovdageainnu suohkan lea bargame reguleret ássanviessoguovllu KBA1. Regulerenplána KBA1 lea vuos almmolaš geahčadeamis (sierra árka) ja vurdojuvvo dohkkehuvvon golggotmánus.
Suohkanis leat guovllut mat leat biddjon viessoulbmiliidda, muhto maidda gáibiduvvo regulerenplána. Ii leat nu ahte diekkár regulerenplánaid galgá Guovdageinnu suohkan ráhkadit. Suohkan lea oaidnán maŋemus áigge ahte lea stuora jearru viessosajiide gosa sáhttá huksegoahtit, ja mii háliidit dál muitalit makkár guovllut leat várrejuvvon viessoulbmiliidda ja maid priváhta aktevrrat nai sáhttet reguleret.
Buot guovlluid gávnnat www.kommunekart.com
Felt B1 -Fylkkageaidnoráigge mii manná Juhls Silver Galleryai.
Geahča guovllu suohkankárttas
Felt B2 - Beazedievvá
Geahča guovllu suohkankárttas
Felt B3 - Gironvárri
Geahča guovllu suohkankárttas
Felt B4 - Suohpatluohkká-guovlu
Geahča guovllu suohkankárttas
Felt B5 - Jávrrašmohkki
Geahča guovllu suohkankárttas
Muhtun dáin guovlluin leat juo huksen muhtun viesuid, nu ahte vejolašvuohta ođđa viessohuksensajiide ii soaitte leat nu stuoris. Muhto erenoamážit B2 ja B3 guovllus sáhttet šaddet muhtun ođđa viessosajit.
Plána – ja huksenlágas §12-3 lea mearrádus ahte regulerenplána galget fágačeahpit ráhkadit. Regulerenplánas leat olu fáttát mat galget čielggaduvvot. Dávjá leat konsuleantafitnodagat, arkiteaktakantuvrrat ja sullasaččat geain lea viiddis gelbbolašvuohta, ja sii máhttet doaimmahit dákkár regulerenproseassa.
Háliidat go opšuvnna regulerehit ovtta dáin namahuvvon guovlluin, de válddát oktavuođa Finnmárkku opmodagain ja ozat opšuvnna. Sii sáddejit dalle ohcama gulaskuddamii Guovdageainnu suohkanii, ja gulaskuddan biddjo ovdán suohkana plánaáššelávdegoddái, mii lea ovdagoddi.