Mii guoská du opmodahkii 

Gávdnojit sihke regulerejuvvon ja eai regulerejuvvon guovllut Guovdageainnus.
Regulerenplánain lea sierra kárttat viessosajiin ja huksehusain, dasa lassin čálalaš mearrádusat iešguđet plánaosiide. Dasa lassin guoská suohkanplána areálaoassi olles suohkanii, das lea maiddái plánakárta ja čálalaš mearrádusat. Leat go eahpesihkar mii guoská du opmodahkii, de váldde oktavuođa minguin.
 

• Gávnna dieđuid iežat opmodaga birra. 
• Gaskkat (pdf)
• Kárta

Oza ieš dahje fágaolbmuid vehkiin 

Muhtin unnit doaimmaide sáhtát ieš ohcat, almmá ovddasvástideaddji fitnodaga haga. 

Earret eará:

• Lassihuksehus (ii allodathuksehus) mas ollislaš geavahanareála (BRA)  dahje huksejuvvon areála (BYA) ii leat  badjel 50 m². Lassihuksehusas sáhttá lassin leat geallir mii ii leat BRA; as mielde. Lassihuksehusas ii sáhte leat sierra ássanovttadat.
• Sierra visti (omd. garáša) mii ii galgga adnot ássanvistin, mas BRA dahje BYA ii leat badjel 70 m². Visttis sáhttá leat okta geardi ja das sáhttá leat geallir mii ii rehkenasto oassin BRA;as.
• Geavahusrievdadus lassihuksehusoasis váldooassái, omd. rádjolatnja mii šaddá oađđenlatnjan.
• Gaskaboddosaš visttit, konstrukšuvnnat dahje rusttegat mat namuhuvvojit pbl §20-1 j) ja mat eai galgga ceaggát guhkit go 2 jagi.  
   

Min bagadusain sáhtát lohkat eambbo iešguđetlágan doaimmaid birra, ja goas ieš sáhtát ohcat.  

Stuorát bargguide fertejit fágaolbmot (ovddasvástideaddji ohcci) sáddet ohcama. Ovddasvástideaddji fitnodat galgá prošekteret ja doaimmahit bargguid. Práksisis mearkkaša ahte don attát olles proseassa fágaolbmuide geaid don bálkáhat.

Váldde oktavuođa fitnodagain mii bargá huksenohcamiiguin, nugo arkiteavttaiguin, hukseninšenevrraiguin, snihkkáriiguin ja entreprenevrraiguin. Sii leat ámmátlaš bargit geat dihtet mii dárbbašuvvo sáddet dievaslaš ohcama suohkanii.

Jus dus lea huksenvásáhus ja huksenmáhtolašvuohta, de sáhtát ohcat leat iešhuksejeaddji, ja hukset alccesat viesu dahje astoáiggeviesu itge dárbbaš ohcat veahki fágaolbmuin. 

Dillekártta diŋgot 

Go ozat doaimma, de fertet tevdnet maid ozat dohkkehuvvon dillekártii.
Dohkkehuvvon dillekártta diŋgot suohkanis, ja dat ii galgga leat boarráset go jagi.
 

• Diŋgot dillekártta

Ovdagihtii-konferánsa 

Ovdagihtii konferánsa lea čoahkkin suohkaniin ságastallan dihte makkár mearrádusat gustojit du opmodahkii, dan ektui maid áiggut ohcat. Ovdagihtii konferánsa sáhttá leat ávkkálaš čielggadit stuorát doaimmaid dahje eahpečielggasvuođaid. Dieđuid dan birra maid háliidat ohcat ja tevnnegiid/kárttaid berrešit suohkanii sáddet oktan diŋgojumiin.

• Loga eambbo ovdagihtiikonferánssa birra 
• Diŋgo ovdagihtii konferánssa 
   

Huksenáššebagadeapmi 

Obbalaš gažaldagaid, rávvagiid ja bagadusaid dáfus go áiggot hukset, sáhtát suohkaniin váldit oktavuođa e-poastta bokte: 
e-post@kautokeino.kommune.no   dahje sáhtát fitnat huksenáššebagadeaddji ságain. 

Huksenáššebagadeddjiin sáhtát váldit oktavuođa: 
mánnodagaid ja disdagaid  dii. 12.00-15.00
duorastagaid dii. 09.00-12.00
 

• Loga eambbo huksenáššebagadeami birra. 

<– Dárbbašat go ohcat

 Ohcama sisdoallu –>