Ohcanskovvi
Huksendoaimma sáhtát ohcat guovtte láhkai. Ovtta- ceahkkeohcamiin/gárvves prošekteren dahje guovtti ceahkkeohcamiin/rámmaprošekteren, ja maŋŋil álggahanlobi.
Ovtta- ceahkkeohcamis /gárvves prošekteren ohcamis (skovvi 5174) galget buot prošekteren vásttolašvuoigatvuođat leat ortnegis ovdal go ohcan sáddejuvvo suohkanii. Dát ohcanvuohki heive buoremusat diehttevaš doaimmaide mii oalle sihkkarit dohkkehuvvo suohkanis. Doaimmat maid ieš sáhtát ohcat ovddasvástideaddji fitnodaga haga meannuduvvo ovtta- ceahkis, (skovvi 5153).
Guovtti- ceahki/rámmaprošekteren ohcanmeannudeamis ozat rámmalobi (skovvi 5174), mas doaimma olgguldas rámmat mearriduvvojit, ja maŋŋil ozat álggahanlobi mas buot prošeakta ovddasvástideaddjiid duođaštusat leat ortnegis. Rámmalobis dohkkehit ovddasvástideaddji ohcci ja movt doaibma čađahuvvo. Suohkan sáhttá maiddái gáibidit ahte oasit prosjekteremis (omd. arkitektuvrraprosjekteren) vásttostahttojuvvo rámmaohcamis. Rámmajuolludeamis sáhttet leat eavttut mat galget ollašuvvat ovdal go addo álggahanlohpi.
Rámma- ja gárvves prošekteren juolludeapmi gusto 3 jagi mearridanbeaivvi rájes. Dát addá vejolašvuođa plánet huksenprošeavtta guhkit áigge perspektiivvas.
Huksenohcan neahtas
Ohcanskovit viečča bábirhámis-Søknadskjemaer for nedlasting
Dispensašuvdna ohcan
Jus dispensašuvnna ohcá (lea spiehkastat mearrádusas), de čállojuvvo reivin ja mielddustuvvo huksenohcamii.
Dás ozat dispensašuvnna
Ránnjáide dieđihit
Buot ohcangeatnegas huksendoaimmat galget dieđihuvvot ránnjáide ja lagamus ránnjáide. Ránnjáid ja lagamus ránnjáid namma- ja čujuhuslisttu oaččot go oastát dillekártapáhka mii adno huksen- ja juohkináššiin.
Dás gávnnat dillekártapáhka huksen- ja juohkináššiide.
Ránnjáin lea 2 vahku áigemearri buktit mearkkašumiid dieđáhussii. Jus bohtet mearkkašumit, de galgá doaibmaálggaheaddji dahje vásttolaš ohcci kommenteret mearkkašumiid, ja sáddet mearkkašumiid ja cealkámušaidis oktan ohcamiin suohkanii.
Suohkan árvvoštallá ránnjáid mearkkašumiid ovdal go mearridit ohcama. Go ohcan gusto huksendoaimmaide mat leat heivvolaččat plána- ja huksenlágain ja opmodaga gustojeaddji plánain, de lea hárve ahte suohkan vuhtiiváldá ránnjáid mearkkašumiid.
Vejolaš rievdadusat ohcama ektui ohcama ja ovdal go áššemearrádus lea dáhkkon, galget álo dieđihuvvot ránnjáide. Dát maid gusto rievdadusohcamiidda maŋŋil go lohpi lea juolluduvvon.
Go áiggot sajáiduhttit doaimma lagabui rájá go dan maid plána- ja huksenláhka suovvá, de sáhtát ránnjás jearrat mieđáhusa.
Jus ránnjá ii mieđit sajáiduhttimii, de fertet plána- ja huksenlágas ohcat spiehkastit gaskamearrádusas. Guktuin áššiin suohkan árvvoštallá dillevejolašvuođaid dohkkehit sajáiduhttima.
Dilleplána
Huksendoaimma galggat tevdnet gustojeaddji dillekártii man diŋgot dás .
Jus diŋgot dillekártapáhka huksen- ja juohkoáššiide, de oaččot ránnjálisttu mas leat ránnjáid ja lagamus ránnjáid namat ja poastačujuhusat ja gustovaš areálaplána opmodaga badjel.
Tevnnegat
Tevnnegat galget leat čielgasat ja mihttolávis. Plána-, julggabealli- (fasade) ja tevnnetčuohpastagat berrejit leat 1:100 ja mihtuid mielde. Jus rievdadusat gustojit dálá vistái, de sáddet sihke dálá tevnnegiid ja ođđa doaimma tevnnegiid sisa. Dálá tevnnegiid gávnnat suohkana ášševuorkkás.
Čielggahus
Ane muittus ahte mii leat diehtemeahttumat du ohcamii, ahte doaibma ja estehtalaš hápmi berre válddahuvvot čilgehusain.
Ovddasvástádusvuoigatvuođat ja čađahanplánat
Ohcamiin gos gáibiduvvo vásttolaš ohcci ja vásttolaš fitnodat galgá sáddejuvvo ovddasvástádusvuoigatvuođa julggaštus juohke doaimma. Ovddasvástádusvuoigatvuođa julggaštus skovvi
Doaibmavásttolaš fitnodagat čállojuvvojit čađahanplánii ja maiddái ovttavásttolašvuođa julggaštusbeaivi. Čađahanplána skovvi
Gáibiduvvo ohcan go goallosta suohkanlaš čáhcái ja/dahje rufefierpmádahkii
Guovdageainnu suohkan lea ásahan ohcan gáibádusa go almmolaš čáhcái ja rufefierpmádahkii áigu laktit.
Elektrovnnalaš skovi gávnnat dás. Doaibmaálggaheaddji ohcci, dahje doaibmaálggaheaddji bealis sádde dan ruovttusiiddu bokte.
Čuovvovaš dieđut gáibiduvvojit almmuhuvvot ja leat mielddusin ohcamis:
- Dilleplána mas leat laktinčuoggát, tevdnejuvvon rávdnjefievrredeaddji, kránat eatnamis, čuoggunsajit (stakepunkter), dimenšuvnnat čáhce- ja rufefierpmádahkii. Vejolaš badječáhcefievrrideaddji oktan dimenšuvnnain galgá maiddái tevdnejuvvot.
- Dieđut vásttolaš fitnodaga prošekterema ja čađaheami birra. Doaimmaheapmái galgá leat ADK-sertifikáhta.
- Diggegulahuvvon julggaštusat, leat go dát eará olbmuid eatnama alde.
- Šiehtadus oktasaš rávdnjefievrrideaddji, jus dat lea vejolaš.
Ohcan galgá dohkkehuvvon ovdal go bargu álggahuvvo, jus suohkan ii leat suovvan eará.
Dohkkeheapmi galgá leat mielddusin huksenohcamii.
Cealkámuš eará eiseválddiiguin
Jus ohcamii gáibiduvvo eará eiseválddiid cealkámuš, de galget dat biddjot mielddusin ohcamii.
Jus dat leat vajálduvvan ohcamis, de viežžá suohkan cealkámušaid eiseválddiin geaiguin suohkanis lea ovttastahttingeatnegasvuohta.
Iskanlistu
Mii leat ráhkadat iskanlisttu man vuođul sáhtát iskkat leat go dus dat dokumentašuvnnat mat leat dárbbašlaččat vai suohkan sáhttá meannudit du ohcama.
- Sjekkliste for søknad om mindre tiltak etter PBL § 20-4. (pdf)
- Sjekkliste kortversjon (pdf)
Sáddet ohcama
Ohcama sáhtát máŋgga vuogis sáddet suohkanii:
Byggsøk.no bokte mii lea elektrovdna čoavddus, mas skoviid deavddát neahta bokte, mildosiid vieččat ja bijat mielde ja de sáddet ohcama suohkanii.
Jus áiggot ieš ohcat, de leat dušše doaimmat mat leat namuhuvvon i SAK10 § 3-1 maid sáhttá ohcat elektrovnnalaččat byggsøk.no bokte (go leat unnit julggabealrievdadusat, de sáhtát geavahit "Endring av bygg" ja viidáset "Annet")
Ohcanduođaštusaid skánnet ja sáddet e-poastta bokte e-post til e-post@kautokeino.kommune.no
Lea maiddái vejolaš bábirhámis buktit dahje sáddet ohcama suohkanii, jus it hálit elektrovnnalaččat gulahallat.
Ohcama buvttát suohkanvissui dahje
sáddet:
Guovdageainnu suohkan
Bredbuktnesveien 6,
9522 Kautokeino
<– Ovdal go ozat
Ohcama meannudeapmi –>