Ovdal go ozat, geahčes mat dán.

Olgoláhtti, terássa, veránda, balkoŋga ja altána leat konstrukšuvnnat olgobuđaldemiide.

Olgoláhtti (stealli)

Olgoareálas ordnejuvvon oasi mii leat njuolga eatnan alde dahje vuollugit eatnamis. Olgoláhtti sáhttá ovdamearkka ráhkaduvvot geađggis, muoras dahje betoŋŋas.

Terássa

Duolba stealli olgobuđaldemiide gosa beassá njuolga eanadagas ja viesus, das ii leat dáhkki badjel. Sáhttá ráhkaduvvon iešguđet materiálain. (Dáhkketerássa: Olgobuđaldanareála duolba dáhki alde).

Veránda

Olggut buđaldanlatnja sisahuksejuvvon vissui dahje lassihuksehus vissui mas okta dahje máŋga olgoseainni leat váldon eret, dahje maid sadjái leat biddjon láseseainnit (láseveránda).

Balkoŋga

Buđaldansadji viessojulggabealis, konstrukšuvdna mii seainnis vuolgá olggosguvlui, mii heaŋgá ráhkkanusas dahje čuožžu duvddavuođu alde, man birra lea ravdarinda.

Altána

Olgobuđaldansadji dáhki alde. Dávjjimusat lassivisti mii lea vuollegeappot go reasta visttis.

Don it dárbbat ohcat

Stealli, terássa dahje olgoláhtti mii lea vuollel 0,5 m alu guovlluin gos areálaulbmilin lea huksenguovlu. Dáppe eai leat makkárge mearrádusat gaskkaid dáfus. Ravdarinda ii ábut hehttet eretvuodjinluottaid rabas oainnádaga.

Veránda ja sullasaš, dahje rabas dáhkkehuksehus sisaboađáhaga badjel mii eanemusat lea 15 m2. stuoru. Das eai sáhte lanjat bistevaš orrumii ja das ferte gaska ránnjárádjái leat unnimus 4 mehtera. Sáhttá ohcangeatnegasvuohta jus áigu hukset veránda 2. geardái. Sádde jearaldaga, áinnas tevnnegiiguin, ja mii vástidit leago ohcangeatnegas vai ii.

Terássakonstrukšuvdna mii lea sierra.

Dán sáhtát ieš ohcat

Stealli, terássa dahje olgoláhtti mii lea badjel 0,5 m alu. Ollislaš geavahanareála (BRA) dahje huksejuvvon areála (BYA) galgá leat vuollel 50 m². Dáppe gustojit mearrádusat gaskkaid dáfus ja doaibma ii sáhte biddjot huksenráji olggobeallái.

Mii ávžžuhit álohii dieđihit ránnjáide go bargu álggahuvvo, vaikko doaibma lea luvvejuvvon ohcangeatnegasvuođas.

Dása šattat fágaolbmuin ohcat veahki

Stealli, terássa dahje olgoláhtti mii lea badjel 0,5 m alu ja ollislaš geavahanareála (BRA) dahje huksejuvvon areála (BYA) lea badjel 50 m².
Balkoŋŋat.