Don it dárbbaš ohcat rievdadit lanja omd. stobus gievkkanii, go sihke stohpu ja gievkkan leat váldooassi. Lea maiddái geavahanrievdadus jus háliidat atnit olles dahje osiid viesus juoga masa mii ii leat gievkkan, omd. ealáhusdoibmii.

Mii lea váldooassi?

Váldooassi leat dat oassi viesus maid geavahat orrumii ja beaivelatnjan, ja feaskárat ja tráhpát váldoosiid gaskkas. Ovdamearkan lanjaide mat leat váldooasit: stohpu, gievkkan, oađđenlatnja, lávgunlatnja, hivsset, sávdnji, lášmmohallanlatnja, čoaskudanlatnja, olgofeaskkir, feaskkir ja feaskárat lanjaid gaskka.

Mii lea lassioassi?

Lassioassi leat eará oasit viesus mat eai leat heivvolaččat beaivelatnjan, nugo omd. rádju, garáša, balkoŋŋat, "geavahanláhkái” ja lanjat gosa vuorku diŋggaid/dávviriid.

"Ávkkástallama dási dáfus" 43. siiddus gávnnat bienaleappot listtu das mii váldooassi ja lassioassi lea.

Goas ferten ohcat geavahanrievdadusa?

Don fertet ohcat suohkanis geavahanrievdadusa lassioasis váldooassái go omd. rievdadat ráju oađđenlatnjan. Don sáhtát ohcat juogo ieš dahje oažžut ovddasvástideaddji fitnodaga ohcat ja hukset du ovddas. Jus ieš ozat, de lea du iežat ovddasvástádus čuovvut buot huksennjuolggadusaid. Dieđe fal ahte geavahanrievdadus sáhttá gáibidit ahte ferte leat liige biilabisánansadji.
 

Goas sáhtán ieš ohcat?

Don sáhtát ieš ohcat go latnjageavaheami sáhttá rievdadit, nu ahte it dárbbaš stuorát bargguid dahkat ieš nugo rievdadit guoddinkonstrukšuvnnaid. Ovdamearkkat stuorát bargguide leat rievdadit guoddinseainni dahje divodit guoddinláhttiid. Go ieš it sáhte ohcat, de ferte ovddasvástideaddji fitnodat ohcat ja hukset du ovddas.

Ná ozat ieš latnjageavaheami rievdadit