Ovdal go ozat, geahčes mat dán

Njuoskalatnja lea lávgunlatnja, riššolatnja ja bassanlanja, lanjat gos seinniide ja láhttiide riššu ja golgá čáhci.

Dán it dárbbat ohcat

• Ovtta geavahusovttadagas ođastit ollislaččat njuoskalanja dálá visttis.
• Dálá visttis hukset ođđa njuoskalanja ovtta geavahusovttadahkii.
• Vistestuorádussii hukset njuoskalanja mas ollislaš geavahanareála dahje vistestuorádusareála ii leat badjel 50 m² ja ahte vistestuorádus ii galgga adnot iešheanalaš geavahusovttadahkan. 
• Eanet njuoskalanjaid huksen iešguđet geavahusovttadagaide (omd. geardeviesuin) nu guhká go barggut eai čuoza geavahusovttadagaid sirrehussii dahje dollasirrehussii. 
• Buhtisvuođarusttegiid divvun beroškeahttá botkejuvvo go geavahusovttadagaid gaskkas sirrehus ja/dahje dollasirrehus  (ođas 01.07.2015).

Dehálaš eavttut

• Gáibádus njuoskalatnjii ja installašuvdnii, ja gáibádus plánačovdosii Huksenteknihkalaš láhkanjuolggádusii galgá  álo  čuvvojuvvot, vaikke vel doaibma ii leat ohcangeatnegas.  Dát guoská earret eará ahte juvlastuoluin ja vázzinstuoluin lea sadji jođašiŧ njuoskalanjas.  Jus ii leat vejolaš heivehit huksehusa teknihkálaš gáibádusaide eahpegovttolaš olggosgoluid haga, de sáhttá suohkan liiká addit lobi.
• Dus lea ovddasvástádus jus njuolggádusmearrádus rihkkojuvvo, maiddái jus boastuvuohta lea dáhkkon fitnodagas man lea bálkáhan.
• Latnja ferte dohkkehuvvon bistevaš orrumii. Jus dan ii leat, de fertet ohcat rievdadit latnjageavaheami (geavahanrievdadus).

Dáid šattat ohcat fágaolbmuid vehkiin

• Buollinsihkkaris konstrukšuvnnat rihkkojuvvojit vaikko vel ii gustto dušše divodeapmái buhtistanrusttega. 
• Rievdadeapmi guoddinseainnis dahje njuoskalatnja konstrukšuvnnas.
• Jus áiggot cegget ođđa orrunovttadaga mas lea basadanlatnja dahje gievkkan.
• Njuoskalatnja ođđa lassihuksehusas mii lea badjel 50 m².
   

Gáibáduvvo sorjjasmeahttun dárkkistusa buot doaimmain mat leat dás bajábeal namuhuvvon.

Jus dus lea doarvái huskenhárjáneapmi, de sáhtát ohcat dohkkehuvvot iešhuksejeaddjin bargguide mat galget dahkkot iežat viesus dahje astoáiggeopmodagas.