Ovdal go ozat, geahčes mes dán.

Dán it dárbbat ohcat

• Sierra duvddamuvrrat mat leat gitta 1 mehtera alu ja biddjon unnimusat 1 mehtera eret ránnjárájis.
• Duvddamuvrrat mat leat gitta 1,5 alu ja biddjon unnimusat 4 mehtera eret ránnjárájis.
• Duvddamuvrrat mat leat vuollel 0,5 mehtera alu oainnádatguovllus geainnu guvlui.

Šattat liikká ohcat jus

• Doaibma rihkku lága, láhkaásahusa, suohkanoasseplána dahje muddenplána
• Doaibma lea gáddeguovllus (dalle gusto guovllus 50-mehtera huksengielddus)

Dán sáhtát ieš ohcat

• Álkis, unnit duvddamuvrraid badjel 1,5 mehtera alu mat leat unnimusat 4 mehtera eret ránnjárájis, sáhttá meannudit unnit doaimma ohcamin. Suohkan árvvoštallá váttisvuođadási juohke ovttaskas áššis. Stuorát duvddamuvrraid šattat ohcat fágaolbmuid vehkiin.

Duvddamuvrrat ránnjáráji guvlui

• Suohkan sáhttá dohkkehit unnit duvddamuvrraid (gitta 1 mehtera alu mat leat 2 mehtera eret ránnjárájis)lagabut go mehtera jus muvra ii leat gitta eará konstrukšuvnnain. Mii árvvoštallat konkrehtalaččat  makkár muvrraid sáhttá atnit leame unnit doaibman. Práksisa lea dohkkehit duvddamuvrraid mat leat gitta 0,5 mehtera eret ránnjárájis.
• Jus muvra ii leat smávit bargu muvrrain, de šattat ohcat sierralobi 4-mehtera njuolggadusas dahje ránnjás oažžut mieđáhusa. 

Duvddamuvrrat geainnu guvlui

Duvddamuvrra ii galgga bidjat siskkobeallai:

• Geaidnolága dahje muddenplána huksenráji mii lea almmolaš geainnu guvlui
• Muddejuvvon geaidnoravdda dahje geaidnonormála gaskkaide guovlluin mat eai leat muddejuvvon.
• Friddja oainnádatguovlu (Suohkana práksisa lea dohkkehit muvrraid mat leat gitta 0,5 alu. Friddja oainnádatguovlluin. Muvrraide badjel dan allodaga friddja oainnádatguovlluin gáibiduvvo mieđáhus dahje sierralohpi.)