Movt sáhttá Ásodatbálvalus veahkehit du?
- Álggahanloanain ja ássandoarjagiin
- Addit ráđiid ásodaga háhkama dahje bisuheami oktavuođas
- Diehtojuohkimiin suohkana ásodagaid ja viessosajiid birra
- Láigoheamis eaiggáduššamii (ásahuvvo fargga)
Ásodatsosiálaplána
Ásodatsosiála politihka ulbmil lea ahte buohkain galgá buorre ja oadjebas orrunsadji. Suohkana bargu lea veahkehit sin geain lea váttisvuohta viessomárkanis, háhkat ja bisuhit heivvolaš ásodaga ja veahkehit sin hálddašit orruma.
Suohkan hábme mihtuid ja strategiijaid, mat galget heivehuvvot suohkana ásodatsosiála hástalusaide.
Ásodatsosiálaplána 2021-2025
Álggahanloatna ja ássandoarjja
Livččii go dus sávaldat eaiggádit iežat viesu, muhto it oaččo loana dábálaš báŋkkus? Ii leat doarvái iešmáksu? Suohkanis gávdno gaskaoapmi veahkehan dihte sin geain lea váttis ekonomalaš dilli ollašuhttit sávaldaga eaiggáduššat iežaset viesu. Ássandoarjja lea stáhta doarjjaortnet sidjiide geain leat mánnosaččat eambbo ássangolut go sisaboahtu.
Loga eambbo álggahanloana ja ássandoarjaga birra dáppe.
Láigoheamis eaiggáduššamii
Láigoheamis eaiggáduššamii lea vuos ásahuvvome. Eambbo dieđut bohtet.
Viessosajit
Dáppe gávnnat rabas viessosajiid Guovdageainnu márkanbáikkis.
Suohkana ásodagat
Suohkanis leat ásodagat maid lea vejolaš láigohit. Lea Kautokeino Boligselskap AS mii doaimmaha láigoheami.
Váldde oktavuođa Mikkel Ailo Gaup:iin jus leat jearaldagat dan birra: 404 48 882
Gaskaboddosaš orrunfálaldat
NAV galgá gávdnat gaskaboddosaš orrunfálaldaga dutnje jus it nagot dan ieš. Guoskevaš dilálašvuođat sáhttet leat ahte viessu lea buollán, earráneapmi dahje seammasullasaš .
Loga eambbo gaskaboddosaš orrunfálaldaga (heahtedilli) birra nav.no siiddus.
Bálvalusat
Ásodatbálvalus sáhttá rávvet ja bagadallat du dan ektui makkár vejolašvuođat dus leat viessomárkanis, muitalit suohkana fálaldagaid ja bálvalusaid birra ja muđui geahččalit veahkehit eará áššiiguin mat gusket ásodahkii.
- Leat go jurddašan láigohit, oastit, ođastit, heivehit dahje hukset ásodaga/viesu?
- Leat go dakkár dilálašvuođas ahte lea várra massit ásodaga?
- Dárbbašat go veahki ohcat álggahanloana dahje ássandoarjaga?
- Leat go dus jearaldagat suohkana ásodagaid dahje viessosajiid birra?
Váldde oktavuođa Ásodatbálvalusain!
Oktavuođadieđut
Prošeaktajođiheaddji: Kirsti Monica Eira
Telefovdna: 960 18 859
E-poasta čujuhus: kirsti.monica.olesdatter.eira@nav.no
Rahpanáiggit: Gaskavahku dii. 10:00-13:00. Riŋges jus háliidat diimmu eará beaivvi.
Riŋgenáiggit: Mánnodagas bearjadahkii dii. 10:00-14:00
Čujuhus: Bredbuktnesveien 6, 9522 Guovdageaidnu (NAV Ávjovárri)