Ásodatkantuvra fállá buot suohkana ássiide veahki ja bagadallama ásodatsosiála áššiiguin. Buorre ja oadjebas orrundilálašvuohta lea dehálaš min eallinkvalitehtii.
Movt sáhttá Ásodatkantuvra veahkehit du?
- Muitalit makkár ásodat guoski fálaldagat ja bálvalusat suohkanis leat ja movt daid gávnnat.
- Kártet du vejolašvuođaid viessomárkanis láigoheami ja eaiggáduššama ektui.
- Bagadallan álggahanloana ja ássandoarjaga dáfus.
- Diehtojuohkin suohkana ásodagaid ja –viessosajiid birra.
Oktavuođadieđut
Prošeaktajođiheaddji: Kirsti Monica Eira
Telefovdna: 960 18 859
E-poasta čujuhus: kirsti.monica.olesdatter.eira@nav.no
Rahpanáiggit: Gaskavahku dii. 10:00-13:00 (riŋges jus háliidat diimmu eará beaivvi)
Riŋgenáiggit: Mánnodagas bearjadahkii dii. 10:00-14:00
Čujuhus: Bredbuktnesveien 6, 9522 Guovdageaidnu (Nav Ávjovárri)
Ásodatsosiálaplána
Ásodatsosiála politihka ulbmil lea ahte buohkain galgá buorre ja oadjebas orrundilálašvuohta. Suohkana ovddasvástádus lea veahkehit sin, geain leat hástalusat viessomárkanis, háhkat ja bisuhit heivvolaš ásodaga ja hálddašit orruma.
Suohkan hábme mihtuid ja strategiijaid, mat galget heivehuvvot suohkana ásodatsosiála hástalusaide.
Ásodatsosiálaplána 2021-2025
Álggahanloatna
Livččii go dus sávaldat eaiggáduššat iežat viesu, muhto it oaččo loana dábálaš báŋkkus? It go leat nagodan seastit doarvái iešmávssu?
Álggahanloatna sáhttá veahkehit du geas lea guhkit áiggi leamaš váttisvuohta oastit heivvolaš ásodaga. Álggahanloatna sáhttá maid veahkehit du ođđasitruhtadit ásodaga jus lea várra ahte massat ásodaga divrras loanaid geažil. Muđui sáhttá maid leat vejolaš oažžut álggahanloana jus orrundilálašvuohta hehtte du váldimis dahje doalaheamis barggu suohkanis, dahje jus orrundilálašvuohta hehtte ealáhusovdáneami.
Loga eambbo álggahanloana birra dáppe.
Ássandoarjja
Leat go dus stuora ássangolut ja unnán sisaboahtu, ja leat badjel 18 jagi? De sáhttá dus leat riekti oažžut ássandoarjaga.
Ássandoarjja lea mánnosaš ruhtadoarjja sidjiide geain lea unnán sisaboahtu ja stuora ássangolut.
Loga eambbo ássandoarjaga birra dáppe.
Láigoheamis eaiggáduššamii
Láigoheamis eaiggáduššamii lea vuos ásahuvvome. Eambbo dieđut bohtet.
Viessosajit
Dáppe gávnnat rabas viessosajiid Guovdageainnu márkanbáikkis.
Suohkana ásodagat
Suohkanis leat ásodagat maid lea vejolaš láigohit. Kautokeino Boligselskap AS (KBS) hálddaša láigoheami.
Váldde oktavuođa KBS beaivválaš jođiheddjiin jus leat jearaldagat, +47 404 48 882.
Gaskaboddosaš orrunfálaldat
Nav galgá gávdnat gaskaboddosaš orrunfálaldaga dutnje jus it nagot dan ieš. Guoskevaš dilálašvuođat sáhttet leat ahte viessu lea buollán, earráneapmi dahje seammasullasaš .
Loga eambbo gaskaboddosaš orrunfálaldaga (heahtedilli) birra nav.no siiddus.
Bálvalusat
Ásodatkantuvra sáhttá rávvet ja bagadallat du dan ektui makkár vejolašvuođat dus leat viessomárkanis, muitalit suohkana fálaldagaid ja bálvalusaid birra ja muđui geahččalit veahkehit eará ásodat guoski áššiiguin.
- Leat go dus gažaldagat álggahanloana ja ássandoarjaga birra, dahje dárbbašat veahki deavdit ohcama?
- Leat go jurddašan láigohit, oastit, ođastit, heivehit dahje hukset ásodaga?
- Leat go dakkár dilálašvuođas ahte lea várra massit ásodaga?
- Lea go dus dárbu heivehit ásodaga doaibmanávccahisvuođa geažil?
- Leat go jearaldagat suohkana ásodagaid ja -viessosajiid birra?
- Háliidat go diehtit eambbo “Láigoheamis eaiggáduššamiii” birrá?
Váldde oktavuođa Ásodatkantuvrrain!