Suohkan geavaha álggahanloana gaskaoapmin veahkehandihte du geas leat ekonomalaš váttisvuođat oastit ja bisuhit ásodaga.
Jus dus leat stuora ássangolut ja unnán dienas, de sáhtát ges ohcat ássandoarjaga, mii lea mánnosaš ekonomalaš doarjja ássangoluide. Dát guoská sihke dutnje gii láigohat ja dutnje gii eaiggáduššat ásodaga.
Ássandoarjja
Ássandoarjja lea mánnosaš doarjjaortnet stáhtas dutnje geas lea unnán sisaboahtu ja stuora ássangolut. Ohcanáigemearri lea juohke 25. beaivvi mánus.
Ássandoarjaga ozat elektrovnnalaččat husbanken.no. Viessobáŋkku neahttasiiddus gávnnat maid eambbo dieđuid ássandoarjaga birra, doppe sáhtát iskkat sisaboahtorájiid ja ássandoarjjokalkuláhtoriin rehkenasttit lea go dus riekti ássandoarjagii.
Jus leat jearaldagat ássandoarjaga birra dahje dárbbašat veahki deavdit ohcama, váldde oktavuođa Guovdageainnu suohkana Ásodatkantuvrrain.
Álggahanloatna
Álggahanloatna lea viessoruhtadanfálaldat dutnje geas vurdojuvvo leat guhkit áiggi váttisvuohta oastit ja bisuhit iežat ásodaga.
Suohkan váldá álggahanloana Viessobáŋkkus viidáset luoikkaheami várás. Don sáhtát oažžut álggahanloana viesu oastimii, huksemii, divodeapmái, heiveheapmái ja ođđasitruhtadeapmái jus lea várra ahte massat ásodaga. Suohkan geavaha maid álggahanloana gaskaoapmin bargofámu rekrutteremii. Jus orrundilálašvuohta hehtte du váldimis dahje doalaheamis barggu suohkanis, dahje jus orrundilálašvuohta hehtte ealáhusovdáneami, de sáhtát maid oažžut álggahanloana viessoruhtadeapmái. Álggahanloana sáhtát oažžut ollásitruhtádeapmái iešmávssu haga.
Álggahanloatna sáhttá fátmmastit erret eará
- du gii it oaččo loana dábálaš báŋkkus, it ge sáhte seastit ruđa iešmáksui
- bearrašiid geain leat mánát
- du geas lea doaimmashehttehus
- du gii oaččut oadjomávssuid
- vuorrásiid geat dárbbašit heivehit viesu vai sáhttet joatkit orrut ruovttus
- du geas leat sosiála- dahje dearvvašvuođahástalusat
- du gii sáhtát massit viesu bággovuovdimii velggiid geažil
Viessobáŋkku neattasiiddus sáhtát lohkat eambbo álggahanloana birra. Doppe gávnnat maid elektrovnnalaš ohcama. Suohkan meannuda ohcamiid ja doallá buot oktavuođaid ohcciiguin.
Áššemeannudanáigi lea 3 mánu.
Guovdageainnu álggahanloana njuolggadusat
Dáppe gávnnat Guovdageainnu álggahanloana njuolggadusaid (PDF, 595 kB)
Ásodatkantuvra
Ásodatkantuvra fállá buot suohkana ássiide veahki ja bagadallama ásodatsosiála áššiiguin.
Movt sáhttá Ásodatbálvalus veahkehit du?
- Muitalit makkár ásodat guoski fálaldagat ja bálvalusat suohkanis leat ja movt daid gávnnat.
- Kártet du vejolašvuođaid viessomárkanis láigoheami ja eaiggáduššama ektui.
- Bagadallan álggahanloana ja ássandoarjaga dáfus.
- Diehtojuohkin suohkana ásodagaid ja -viessosajiid birra.
Dáppe gávnnat eambbo dieđuid Ásodatkantuvrra birra.