Ássandoarjja ja álggahanloatna

Livččii go dus sávaldat eaiggádit iežat viesu, muhto it oaččo loana dábálaš báŋkkus? Ii leat doarvái iešmáksu? Suohkanis gávdno gaskaoapmi veahkehan dihte sin geain lea váttis ekonomalaš dilli ollašuhttit sávaldaga eaiggáduššat iežaset viesu. 

Ássandoarjja

Ássandoarjja lea doarjjaortnet stádas dutnje geas leat eanet olggosgolut go sisaboahtu, dan meroštallet juohke mánu du sisaboađu ja orrungoluid vuođul. 

Suohkan gos don orut registrere ohcamiid ja doallá buot oktavuođaid ohcciiguin.

Viessobaŋku neahttasiiddus logat eambbo dieđuid ássandoarjaga birra, ja doppe sáddet digitála ohcama.

Álggahanloatna

Álggahanloatna galgá veahkkin sidjiide geain lea váttisvuohta háhkat heivvolaš viesu guhkit áigge viessofinansieren váttisvuođaid dihte, ja veahkkin doalahit viesu.

Álggahanloatna dárboárvvoštallo ja sáhttá fátmmastit erret eará vuosttašgeardi ásaheddjiid, bearrašiid geain leat mánát, doaimmashehttejuvvon olbmuid, báhtareddjiid, olbmuid geain lea orrunlohpi humanitára ákkaid vuođul, ja eará joavkkuid geain leat guhkit áigge ekonomalaš váttisvuođat. Vuorraset olbmot sáhttet maid ohcat álggahanloana divvut viesuid vai sáhttet joatkit orrut iežaset viesuin.

Viessobáŋkku neattasiiddus sáhtát lohkat eambbo álggahanloana ja doarjaga birra, ja sáddet digitála ohcama. 

Áššemeannudan áigi lea 3 mánu.

Guovdageainnu álggahanloana njuolggadusat

Dáppe gávnnat Guovdageainnu álggahanloana njuolggadusaid (PDF, 595 kB)

Ásodatbálvalus Guovdageainnu suohkan

Jus dárbbašat veahki oastit dahje áimmahuššat viesu, de sáhtát váldit oktavuođa Ásodatbálvalus. 

Ásodatbálvalus lea sidjiide geat dárbbašit veahki háhkat dahje bisuhit ásodaga. Movt sáhttá Ásodatbálvalus veahkehit du?

  • Álggahanloanain ja ássandoarjagiin
  • Addit ráđiid ásodaga háhkama dahje bisuheami oktavuođas
  • Diehtojuohkimiin suohkana ásodagaid ja viessosajiid birra
  • Láigoheamis eaiggáduššamii (ásahuvvo fargga)
Almmuhuvvon 08.07.2022 13.51
Maŋemusat rievdaduvvon 01.07.2024 11.40
NAV sámegielat oktavuođaguovddáš / samisk kontaktsenter
Mobiltelefovdna 90 29 81 18

Jearaldat bagadallama oažžut sámegillii telefovnnas (nav.no)

NAV oktavuođaguovddáš / kontaktsenter
Telefovdna 55 55 33 33

NAV oktavuođaguovddážis lea telefonáigi árgabeivviid dii. 9.00-15.00.

NAV oktavuođaguovddáš sáhttá veahkehit stáhtusain du áššis ja bagadallat rivttiid ja geatnegasvuođaid birra mat dus leat, dahje du bidjat oktavuhtii du NAV kantuvrrain.

NAV oktavuođaguovddážis lea jávohisgeatnegasvuohta du oktavuođa birra NÁV:ain. Jus soames eará riŋge du ovddas, de fertet addit njálmmálaččat lobi jus ii gávdno doaimmahanváldi čálálaččat.

Eará njuolggo telefuvdnanummarat NAV:ai gávnnat dás.