Vuorjašuvatgo máná dahje nuora dihte?

Buohkat geat ballet/váivahuvvet muhtin máná dahje nuora dihte, váldet mánáidsuodjalusain oktavuođa. Mánát ja nuorat sáhttet maid ieža váldit oktavuođa.

Mánáidsuodjalus lea deaivamis maiddái maŋŋel bargoáigge ja váhkoloahpaid, go dilli eaktuda dan. 
De riŋget mánáidsuodjalusfákta telefuvdnii 459 16 677

Loga eanet fáhkkagearggusvuohta bálvalusa birra
 

Mánáidsuodjalus lea mánáid dáhkádus

Suodjalus ovttasbargá singuin geat dovdet máná, nu mov ovdamearkka dihte mánáidgárddiin, skuvllain ja dearvvašvuođaguovddážin. Mánáidsuodjalus galgá leat dáhkádussan vai buot mánáide ja nuoraide sihkkarasto fuolahus, oadjebasvuohta ja ovdánanvejolašvuođat. Mánáidsuodjalus galgá sihkkarastit mánáide ja nuoraide, geaid eallindilli čuohcá dearvvašvuhtii ja hehtte ovdáneami, dárbbašlaš veahki ja fuola rievttes áigái ja oadjebas bajásšaddaneavttuid.
 

Váldde fal oktavuođa

Mánáidsuodjalus lea gávdnamis suohkanviesus. Sáhtát riŋgestit dahje fitnat min luhtte. Mánáidsuodjalus veahkeha mánáid ja nuoraid ja sin bearrašiid geat gullet Guovdageainnu suohkanii. 
 Bufetahta čilge dás movt bargat jus lea dárbu balu dieđihit mánáidsuodjalussii (lea dárogillii). 
Nummar gosa riŋget lea 474 69 360.