Váldde oktavuođa
Mánáidsuodjalus lea gávdnamis suohkanviesus.
Sáhtát riŋgestit dahje fitnat min luhtte.
Mii leat kántuvrras árgabeivviid: dii. 09:00-15:00.
Jávohisvuođageasku
Buot bargiin mánáidsuodjalusas lea jávohisvuođageasku. Dat mielddisbuktá dan ahte mii eat sáhte addit makkárge persovnnalaš dieđuid ovttage olbmui du miehtama haga.
Mánáidsuodjalusa barggut
Mánáidsuodjalus sáhttá fállat ráđiid ja bagadeami, helpenruovttu/guosseruovttu, doarjjaolbmo ja leaksoveahki. Dasa lassin sáhttá suodjalus leat mielde ceggeme ovddasvástádusjoavkku, sáhttá fállat ekonomalaš veahki, bearrašii bagadallandoaibmabijuid, biebmoruovttu dahje saji ásahussii, dahje eará doaibmabijuid mat buoremusat heivejit máná dillái .
Ovttasbargat earáiguin geat dovdet máná
Mánáidsuodjalus ovttasbargá singuin geat dovdet máná, nu movt mánáidgárddiin, skuvllain ja dearvvašvuođaguovddážiin.
Guovdageainnu suohkanis lea fágaidrasttideaddji bargojoavku mas leat mielde PPB, suohkana psykologabálvalus, dearvvašvuođadivššár ja mánáidsuodjalus. Váhnemat sáhttet ovddidit áššiid jovkui jus háliidit ráđiid ja bagademiid.
Sámegiella ja kultuvra
Sámegiella ja kultuvra deattuhuvvo mánáidsuodjalusa bargguin. Bálvalusat fállojuvvot sihke sámegillii ja dárogillii. Suohkan bargá ovddidan dihte fálaldagaid ja bálvalusaid mat leat buorit fágalaččat ja sámi árbevieru mielde. Mánáidsuodjalus veahkeha mánáid ja nuoraid, ja sin bearrašiid geat gullet Guovdageainnu suohkanii.
Geat barget mánáidsuodjalusas
Mánáidsuodjalus gullá suohkana kultur- ja bajásšaddanovttadahkii, ja jođihuvvo mánáidsuodjalusa fágalašovddasteaddji bealis. Bálvalusas leat muđui guokte mánáidsuodjaluskonsuleantta ja okta čálli/áššemeannudeaddji.
Gulahallandieđut buohkaide geat barget mánáidsuodjalusas.
Mánáidsuodjalusa fáhkkagearggusvuohtabálvalus
Guovdageainnu suohkan ja Kárášjoga gielda ovttasbargaba fállat fáhkkagearggusvuođa. Dát bálvalus doaibmagoađii 1.1.2019. Mánáidsuodjalusain lea vejolašvuođa váldit oktavuođa 24/7.
Bálvalusas sierra telefuvdna nummar 459 16 677
Loga eambbo fáhkkagearggusvuohtabálvalusa birra
Fágaguovdilis čujuhusat