Mánáidgárddis leat 2,5 jahkebarggu. Leat jođiheaddji ja assisteantat.  Mánáidgárddis lea okta ossodat.

Plánen- ja kursabeaivvit

Go mánáidgárdebargiin leat plánen- ja kursabeaivvit, lea mánáidgárdi steaŋggas:

• Mánáidgárdejagi 2023/2024 plánen- ja kursabeaivvit: 07.08.23., 28-29.09.23., 22.12.23., 01.03.24., 10.05.24., 21.6.24., 11-12.07.24.

Buohkat leat sámegielagat

Máze mánáidgárdi lea 100% sámi mánáidgárdi. Buot mánát ja bargit leat sámegielagat. Mánáidgárddi mihttu ja višuvdna: ”Mánáidgárdi galgá nagodit seailluhit, nannet sámegiela ja sámi árbevieruid fáttáid, bargguid ja vásáhusaid bokte.” 

Min lagasbiras ja kultuvra lea guovddážis go hábmet fáddáplánaid. Fáttat válljejuvvojit dan vuođul mii lea lunddolaš min lagasbirrasis, ja mii dáhpáhuvvá eanandoalus, boazodoalus, meahcástallamiin, kulturdáhpáhusain áigodagain jagis. 
 

Maiddái SAÁO

Mánáidgárdi stuoriduvvui 2010. Mánáidgárdi ja skuvlaasttuáiggeortnet leat  časkojuvvon oktii, ja mánáidgárdi lea de maid SAÁO fálaldat skuvlamánáide geat leat ovttas mánáidgárddi mánáiguin.

Ráhpanáiggit:

Diibmu: 07.30-16.30 
Gaskaboddosaš ráhpanáiggit: 08.15-15.45
 

Máze mánáidgárdi/barnehage, vinter/dálvet Máze mg

​

Máze mánáidgárdi/barnehage, visti, vinter/dálvet Máze mg