Min fálaldagatLytt til tekstenStopp avspillingIllustrašuvdnagovvaBuohkat gaskkal 6–18-jagi leat buresboahtin min kulturskuvlii. Min fálaldagat fállojuvvojit dainna eavttuin ahte mis leat doarvái oahpaheaddjenávccat, ekonomiija ja oahppit. Buot oahpahus lágiduvvo Guovdageainnu čoahkkebáikkis, Mázes lea dušše musihkkajoavkočuojaheapmi. Almmuhuvvon 19.05.2021 14.58 Maŋemusat rievdaduvvon 10.04.2024 09.47 Fáláldagat organiserejuvvonJuohke fágas oahpahuvvo guokte diimmu vahkkui, muhto čájáhusaid dahje čájálmasaid oktavuođas sáhttet leat dávjjibut, ovdamearkka dihte vahkkoloahpa. Min fálaldagat leat juhkkojuvvon iešguđetlágan ahkejoavkkuide: 6–12-jahkásaččaide (1.–7. luohkáide), 13–18-jahkásaččaide (8.–10. luohkáide, ja joatkkaskuvlla-ahkahaččaide). Fertejit leat unnimusat vihtta oahppi ovdal go kursa álggahuvvo. Muhtin fágain sáhttet ahkejoavkkut oktiičaskojuvvot jus leat beare unnán oahppit goabbat ge joavkkus.Jahkeplána ráhkaduvvo čakčat go kulturskuvllas lea čielgan galle oahppi ja oahpaheaddji leat. Jahkeplánas sáhttá oaidnit goas iešguđetge kurssat lágiduvvojit. Lea láhččojuvvon dainna lágiin ahte oahppit galget sáhttit oassálastit máŋgga fálaldahkii oktanis. Geahča min jahkeplánaid dásDiedihanskovvi čakčat 2023 (DOCX, 63 kB) Viidodatprográmmá ja 6 vahkosaš kurssat Kulturskuvlla oanehis kurssat Dánsun, 6–12-jahkásaččaide ja 13–18-jahkásaččaide Ánna-Katri fállá Davvi Division AS bokte hiphop dánsun diimmuid ja háliida čavčča 2023 rájes fállagoahtit hiphop/breaking diimmuin “boys only” jovkui, dainna lágiin rekrutteret eambbo bártniid kulturskuvlii ja huksegoahtit dánsunbirrasa bártniide maid. Joavkočuojaheapmi ja lávlun, 6–12-jahkásaččaide ja 13–18-jahkásaččaide Davvi Division háliida lágidit bándadiimmuid gos nuorat sáhttet oahppat čuojahit iešguđetlágan musihka fárrolaga. Oahpaheaddji lea Anthoni Hætta. Dát fálaldat heive sihke easkaálgiide ja sidjiide geat leat čuojahan ovdal. Mii jurddášit ahte juohke joavkkus leat maks 6 oahppi, ja eaktu álgit berre leat ahte mii nagodit deavdit juohke čuojanasa. Visuála dáidda ja duodji, 6–12-jahkásaččaide ja 13–18-jahkásaččaide Visuála dáidda sáhttá leat olu, ovdamearkka dihte govvadáidda, bázzi, tekstiila, bivttasdesign, dáiddaduodji ja sámi duodji. Dat vuolgá das makkár oahpaheaddjit mis leat ja makkár lanjaid beassat atnit, muhto sámi duodji boahtá álo leat guovddáš doaibma. Hutkkálaš čállin, 13–18-jahkásaččaide Oahpa čállit teavstta dahje oaččo veahki buoridit iežat teavsttaid. Oahppit oahpásmuvvet iešguđetlágan šáŋŋeriiguin, ovdamearkka dihte poesiijain, prosain, dramáhtalaš teavsttaiguin, slampoesiijain, ráppateavsttaiguin, lávllateavsttaiguin ja luohtedajahusaiguin. Duodji ja ođđasit geavaheapmi Visuála dáidda sáhttá leat olu, ovdamearkka dihte govvadáidda, tekstiila, bivttasteapmi, dáiddaduodji ja sámi duodji. Ohppiid beroštupmi lea vuođđun dasa makkár dujiid duddjot, ja lea oahpaheaddji gii árvvoštalla maid fállat ja álggahit. Guovddašprográmma Kulturskuvlla fálaldagaid Joavkočuojaheapmi Mázes, 13–18-jahkásaččaide Oahppit ohppet vuđolaš gálggaid dáid instrumeanttaiguin: rumbbuiguin, bássain, gitárain ja piánoin čuojahit, ja lávlut, ja guovddážis lea sámi musihkka ja luohti. Sii ohppet čuojahit ovttas, ja teknihkalaš áššiid nu go PA-rusttega atnit. Gitára 6-18-jahkásaččaide Fásta fálaldat birra jagi Piano 6-18 jahkasaččaide Fásta fálaldat birra jagi