Suohkana divat- ja bálvalusrehkegiid birra

Dás gávnnat eanet dieđut rehkegiid birra mat gusket suohkanlaš divat- ja bálvalusmáksimiidda.

Almmuhuvvon 13.06.2018 16.15

Maŋemusat rievdaduvvon 30.08.2023 10.31

Man dávjá boahtá rehket?

Dábálaččat sádde Guovdageainnu suohkan rehkega suohkana divagiid ja opmodatvearu ovddas golmma geardde jagis. Lea maid vejolašvuohta bivdit mánnosaččat oažžut rehkega

Golmma geardde jagis

Suohkan sádde dábálaččat rehkegiid loahpageahčen cuoŋománu, borgemánu ja juovlamánu. Máksináigi lea 14 beaivvi.

Dábálaš máksináigemearit, jus ii leat bivdán mánnosaš rehkega:

20. beaivvi miessemánus
20. beaivvi čakčamánus
20. beaivvi ođđajagimánus

Rehkegat suohkana eará bálvusaid ovddas sáddejuvvojit dađisdaga dahje mánnosaččat.

Fálaldat oažžut suohkana divadiid ja opmodatvearu rehkega mánnosaččat

Guovdageainnu suohkan fállá 2019 rájes oažžut suohkana divadiid ja opmodatvearu rehkega mánnosaččat.
Sáddes e-boastta, dahje reivve Guovdageainnu suohkaniija atte dieđu ahte háliidat mánnosaš rehkega.

E-boasta čujuhus: e-post@kautokeino.kommune.no
Reivečujuhus: Guovdageainnu suohkan, Bredbuktnesveien 6, 9522 Guovdgeaidnu

Sierra skovvi lea hábmejuvvon masa deavddát dieđuid ja sáddet suohkanii.

Månedlig fakturering kommunale avgifter - mánnosaš rehket suohkandivat (PDF, 85 kB)

Okta rehket juohke opmodaga nammii

Dábálaččat sáddejuvvo okta rehket juohke opmodaga/eatnama nammii. Makkár bálvalusaid dat ovttaskas opmodat/eana atná lea vuođđun rehkegii, muhto dábálaččat leat rehkegis doapparčorgendiva, čáhce- ja duolvačáhcediva, ruhtendiva ja láigodiva suohkana eatnama ovddas. Sis geain lea čáhcemihttideapmi ožžot rehkega ovddit jagi anu ovddas. Suohkana divatmáksu sáddejuvvo dasa gii oamasta opmodaga/eatnama.

Suohkansitvra mearrida jahkásaččat suohkana divadiid ja bálvalusmáksimiid hattiid. Hattiid gávnnat divatgihppagis.

Gosa sáddejuvvo rehket?

Rehket suohkana divadiid ja opmodatvearu ovddas sáddejuvvo sutnje gii lea eaiggát matrihkkalis. Rehket sáddejuvvo eaiggáda čujuhussii mii boahtá ovdan álbmotregistaris. Jus rehket galgá eará čujuhussii sáddejuvvot go dan mii lea álbmotregistaris, de fertet rievdadit čujuhusdieđuid álbmotregistaris. Dieđuid movt dan dagat gávnnat vearroetáhta ruovttusiidduin.

Mu eana

Bálvalusas Mu eana oažžut dieđuid iežat eatnama birra. Doppe gávnnat dieđuid du eatnama birra ja makkár suohkanalaš bálvalusat leat čadnon eatnami. Don sáhtát portalii mannat ja earret eará gávdnat man ovddas lea sáddejuvvon rehket eatnamis, ollu go leat máksán suohkanlaš divvagiid ja opmodatvearu.

Bálvalusa oažžut jus gávnnat Mu eatnama siiddu go logge sisa. Don logget sisa ID-čovdosiin nugo báŋko-ID mobilas.

Loga eanet bálvalusa birra dáppe.

Min Eiendom Norkart