Sámi ealáhusgárdin – min vuostáiváldin ealáhusovdánahttimii

Sámi ealáhusgárdin lea suohkana deaŧáleamos ovttasbargoguimmiid searvves ealáhusovdánahttima dáfus. 

Livččego dus gažaldagat? Fitnodatjurdda, muhto it dieđe movt dan galggašit duohtandahkat? It dieđe geainna galggašit hupmat oažžun dihte veahki? Gažaldagat dan birra ahte gosa sáhtášit ásahit fitnodaga? 
Huma Sámi ealáhusgárdimiin telefuvdna nummar  967 43 833 dahje čális e-poasta,  post@sapminh.no

Livččetgo láddagoahtán fitnodatálggaheaddjin šaddat?

Sámi ealáhusgárdin fállá nuvttá veahki álggahandásis.

Sámi ealáhusgárdin OS lea oassin SIVA ealáhusgárdindoaimmain. Sámi ealáhusgárdimis lea sihke gelbbolašvuohta ja dat fierpmádat mii sáhttá veahkehit du duohtandahkat dan bargosaji máid sávašit ásahit.

Sámi ealáhusgárdin doaibmá fitnodatálggaheddjiide vuostáiváldimin Guovdageainnus, Kárášjogas, Unjárggas, Deanus ja Porsáŋggus. Livččiigo dus jurdda máid áiggošit duohtandahkat? Dárbbašatgo fitnodatásahanveahki? Dárbbašivččetgo rávvagiid ovttas gii diehtá makkár hástalusat sáhttet čuoččilit go fitnodaga áigu ásahit? Vai dárbbašivččetgo ságastallanguoimmi, mainna beasašit digáštallat iežat fitnodatjurdaga ja strategiija? Sámi ealáhusgárdin veahkeha du. Šiehtat áiggi odne jo. Eanet gulahallandieđuid gávnnat sin neahttasiidduin. 
Eambbo Sámi ealáhusgárdin doaimmá birra dás.     

Áiggošitgo

• Álggahit fitnodaga/ealáhusdoaimma?
• Ovddidit iežat fitnodaga?

De sáhtát gulahallat fitnodatráđđededjiin Antje Schecht:ain telefuvdna nummar 967 43 833  šiehttan dihte áiggi. Son hupmá sihke sámegiela, dárogiela, eŋgelasgiela ja duiskagiela. 
Dahje sáhtát Sámi ealáhusgárdima váldokántuvrii riŋget. Sin telefuvdna nummar lea 70 31 01 03. 

Oaččut 4 nuvttá ráđđeaddindiimmu ovdamearkka dihte dán birra:

• Movt álggahit fitnodaga – ráhkkaneami ja plánema birra
• Fitnodaga registrerema birra
• Iešguđetlágan vugiid birra, movt sáhttá fitnodaga registreret
• Ekonomiija ja bušeahta birra
• Ruhtadeami birra
• FoU birra
• Veahkkereaidduid birra, maiguin ráhkada fitnodatmodealla dahje álkes gávpeplána ja proseassaláidestusa
• Rávvagiid ja veahki ovddidandihte fitnodaga
• Ruhtaohcanrávvagiid ja ohcamiid árvvoštallan

Háliidivččetgo baicca ovddidit iežat fitnodaga? Háliidivččetgo ahte du fitnodat galgá šaddat daid fitnodagaid searvves, maid Sámi ealáhusgárdin veahkeha ovdánit?

Jos dus jo lea fitnodat, man háliidivččet ovddidit, de bivdit du gulahallat singuin. Sámi ealáhusgárdin veahkeha du fitnodaga čuovvovaččaiguin:

• Strátegiijabargguin
• Ráhkadit gávpemodeallaid
• Gávdnat dutnje čeahpes vehkiid ja ovttasbargoguimmiid
• Gávdnat du ovdánahttinprošektii ruhtadančovdosiid
• Ja vel ollu eará

Ealáhusgárdinprográmma bokte sáhttit du veahkehit hálbbibui go dábálaččat.

Norgga ealáhusgárdimat

“Næringshagene i Norge” lea riikaviidosaš fierpmádat, mas leat sulii 40 ealáhusgárdima. Dát lea ovttasbargovuogádat, mii maid gulahallá eiseválddiiguin.