Helsenorge.no bokte sáhtát váldit oktavuođa minguin go dutnje heive. Go don sáddet dieđu midjiide Helsenorge.no bokte de vástida dearvvašvuođastašuvdna bálvalus golmma beaivve sisa. Jorttamovra vástida fásta kánturáiggit, disdagaid ja gaskkavahkkuid.

Makkár ovdamuniid addá dát dutnje?

•    Dutnje ássin mearkkaša dat ahte don sáhtát sáddet midjiide digitála dieđuid ovdamearkka dihte praktihkalaš gažaldagaid ektui, jus lea dárbu bagadallamii dahje sávaldat diibmošiehtadusa rievdadit.
•    Don sáhtát oaidnit iežat ja mánáid diibmošiehtadusaid, guđe mánás lea diibmu ja oaidnit boahkuhanbajilgova.
•    Dieđut mat juogaduvvojit vurkejuvvojit. Dáinna lágiin lea álki čuovvut mielde.
•    Go dahkat šiehtadusa Helsenorge.no de oaččut dieđu SMS bokte. Kaleandaris gávnnat dieđuid iežat ja mánáid šiehtadusaid ektui.
 

Leat go addán lobi digitála gulahallamii Helsenorge bokte?

Jus háliidat šaddat digitálalaččat aktiiva de manat sisa Helsenorge.no juogo neahttasiiddu dahje áppa bokte, maid vieččat App Store dahje Google Play.

Háliidat go atnit Helsenorge.no mánáid ovddas de logget álggos ieš sisa. Dasto válljet gean ovddas háliidat oaidnit dieđuid dahje gean ovddas háliidat doaimmahit bálvalusaid, dáppe gávnnat eanet dieđuid:
Fullmakt til å bruke Helsenorge på vegne av andre - Helsenorge

Váhnemiin ferte dán definišuvnna mielde leat váhnenovddasvástádus, dat mearkkaša dan ahte biebmováhnemat eai beasa logget sisa biebmománáid ektui.

Man guhká oainnán mánáid dearvvašvuođadieđuid?

Helsenorge.no bokte sáhtát don ovddastit mánáid geasa dus lea váhnenovddasvástádus, ja oaidnit sin dearvvašvuođadieđuid. Dán sáhttá dahkat dassážii go mánná lea deavdán 12 jagi. Dan maŋŋel sáhtát ain oaidnit diibmošiehtadusaid máná ovddas, muhto it sáhte šat sáddet dieđuid sin ovddas.

Go mánná lea deavdán 16 jagi lea dearvvasvuođarievttálaččat válddálaš. Dat mearkkaša dan ahte vánhen ii šat beasa oaidnit nuora birra dieđuid eambbo jus oažžu lobi dasa. 

Nuorat gaskal 13-16 sáhttet ieža ásahit geavaheaddji Helsenorges váhnemiid/ váhnen lobi mielde. Eanet dieđuid gávnnat das: Ungdomstilgang - Helsenorge