Guovdageainnu suohkanstivra čoahkkinastá duorastaga njukčamánu 27. beaivvi dii. 09:00 LES-sálas. Áššelisttus lea earret eará suohkanplána servodatoasi meannudeapmi, vihtta beaivásaš skuvlavahkku, suohkana divvagat, luottaid divodanplána ja Destinasjon Sápmi miellahttuvuohta.
Čoahkkin álgá rabas gažadanbottuin, gos suohkana ássit besset jearrat gažaldagaid suohkana doaimmaid birra. Gažaldagat galget leat čálalaččat sáddejuvvon sátnejođiheaddjái maŋemustá golbma beaivvi ovdal čoahkkima.